اقتوبە وبلىسى اكىمدىگى جانىنداعى جەدەل شتابتىڭ اقپاراتتىق حابارلاماسى

قۇرمەتتى اقتوبەلىكتەر!

اقتوبە وبلىسىندا كوروناۆيرۋستىق ينفەكتسيانىڭ تارالۋىنىڭ الدىن الۋ ماقساتىندا اقتوبە وبلىسى باس مەملەكەتتىك سانيتاريالىق دارىگەرىنىڭ 2020 جىلعى 29 ناۋرىزداعى قاۋلىسىنا سايكەس, وبلىس اۋماعىندا 2020 جىلعى 31 ناۋرىز ساعات 00:00-دەن باستاپ ەپيدەمياعا قارسى سانيتارلىق ءىس-شارالار جۇزەگە اسىرىلادى جانە جەكە, زاڭدى تۇلعالارعا ارنالعان شارۋاشىلىق جانە وزگە دە قىزمەتتەرگە قاتىستى ەرەكشە جاعدايلار ەنگىزىلەدى.

قاۋلىعا سايكەس:

ترانزيتتىك كولىكتەردى, سونداي-اق تاماق ونىمدەرى, ءدارى-دارمەكتەر جانە مەديتسينالىق ماقساتتاعى بۇيىمدار, اقتوبە وبلىسى مەن اقتوبە قالاسىنىڭ ونەركاسىپتىك, اۋىلشارۋاشىلىق كاسىپورىندارىنىڭ ءۇزىلىسسىز جۇمىس ىستەۋىن قامتاماسىز ەتۋگە ارنالعان تاۋارلار مەن ماتەريالداردى تاسيتىن كولىكتەردى قوسپاعاندا, كولىك قۇرالدارىنىڭ بارلىق تۇرلەرىنە جانە ازاماتتارعا اقتوبە وبلىسى مەن اقتوبە قالاسىنىڭ اۋماعىنا كىرۋگە جانە شىعۋعا تىيىم سالىنادى. مەملەكەتتىك ورگاندار مەن ۇيىمداردىڭ باسشىلارىنا, سونداي-اق مەنشىك نىسانىنا قاراماستان زاڭدى تۇلعالارعا, جەكە كاسىپكەرلەرگە جانە جەكە تۇلعالارعا (ادامدار كوپ جينالاتىن وبەكتىلەردىڭ يەلەرى مەن جالعا الۋشىلارىنا) تەحنيكالىق جانە ۇيىمداستىرۋشىلىق مۇمكىندىگىنە وراي, جۇمىسشىلاردى قاشىقتىقتان جۇمىس رەجيمىنە اۋىستىرۋ ۇسىنىلادى. تومەندەگىدەي قىزمەتتەر  توقتاتىلادى:

– بارلىق مەملەكەتتىك جانە جەكە مەنشىك بالاباقشالاردىڭ جۇمىسى;

– ءىرى ساۋدا ورتالىقتارىنىڭ (ازىق-ت ۇلىك دۇكەندەرى مەن ولاردا ورنالاسقان ءدارىحانالاردان باسقا), ساياباقتار, زوودۇكەندەر, مونشا كەشەندەرى (جەكە كابينالارمەن بىرگە), سانيتاريالىق-كۋرورتتىق نىساندار, اسەمدىك سالوندارى, شاشتارازدار, ساۋنالار مەن ماسساج بولمەلەرى, بيليارد بولمەلەرى, كومپيۋتەرلىك, ينتەرنەت-كلۋبتار, ويىن بولمەلەرى, بوۋلينگ ورتالىقتارى, بۋكمەكەرلىك كونتورلار, لوتو, سپورتتىق كەشەندەر (ۇيىرمەلەر, سەكتسيالار), فۋتبولدار الاڭدارى, بالالاردىڭ دامۋ ورتالىقتارى جانە باسقا دا حالىق كوپ شوعىرلانعان نىسانداردىڭ جۇمىسى;

– ازىق-ت ۇلىك, مال, اۆتوموبيل, كيىم-كەشەك, قۇرىلىس بازارلارى;

– ازىق-ت ۇلىك تاۋارلارىنىڭ جارمەڭكەلەرى;

– ۇيلەنۋ سالوندارى, مەرەكەلىك زالدارىنىڭ جۇمىسى;

– ۇيالى تەلەفونداردى ساتاتىن جانە جوندەيتىن دۇكەندەردىڭ جۇمىسى توقتاتىلادى.

قوعامدىق تاماقتانۋ ورىندارىندا (كافەلەر, مەيرامحالار, بارلار, اسحانالار جانە ت.ب.) ازاماتتار مەن كاسىپورىنداردىڭ ءۇي-جايلارىنا بارماي-اق, الىپ كەتۋ جانە اپارىپ بەرۋدى تاۋلىك بويى جۇزەگە اسىراتىن قىزمەتتەردى قوسپاعانداعى, تاماقتانۋ ورىندارىنىڭ جۇمىسى توقتاتىلادى. اقتوبە وبلىسى جانە اقتوبە قالاسىنىڭ تۇرعىندارىنا:

– ازىق-ت ۇلىك, ءبىرىنشى كەزەكتە قاجەتتى زاتتاردى, دارىلىك زاتتار مەن مەديتسينالىق بۇيىمداردى ساتىپ الۋدى, مەديتسينالىق كومەككە جۇگىنۋدى قوسپاعاندا, تۇرعىن ۇيدەن شىعۋدى شەكتەۋ قاجەت;

– وتباسى مۇشەلەرىن قوسپاعاندا, ءۇش ادامنان ارتىق جينالۋعا جول بەرىلمەيدى;

– 65 جاستان جوعارى ازاماتتارعا وقشاۋلاۋ ءتارتىبىن ساقتاۋ قاجەت.

قۇقىق قورعاۋ ورگاندارى مەنشىك تۇرىنە قاراماستان بارلىق جەكە جانە زاڭدى تۇلعالاردىڭ تاراپىنان قاۋلىنىڭ ورىندالۋىن قامتاماسىز ەتسىن. بارلىق سۇراقتار بويىنشا 906-ء606 نومىرى بويىنشا Call-ورتالىققا حابارلاسۋعا بولادى.