بۇگىن قوستاناي وبلىسىنىڭ باس سانيتارى ىندەتتىڭ الدىن الۋ شارالارى تۋرالى قاۋلىعا قول قويدى. ۆ.نەچيتايلو ايماقتا پاندەمياعا قارسى شەكتەۋلەر مەن تىيىم شارالارى كۇشەيتىلگەنىن مالىمدەدى. ەندى وبلىس تۇرعىندارىنا بۇعان دەيىن دە بەلگىلى شەكتەۋلەر مەن تىيىمداردىڭ اۋقىمى كەڭەيىپ, ولاردىڭ بۇزىلماۋى قاتاڭ قاداعالانادى.
باس سانيتاردىڭ ايتۋىنشا, ايدىڭ ەڭ سوڭعى كۇنى كەشكى 22.00-دەن باستاپ اقمولا, سولتۇستىك-قازاقستان, قاراعاندى جانە اقتوبە وبلىستارىنا جولاۋشىلار قاتىناسى ۇزىلەدى. ال ەم الۋعا باراتىندار بەلگىلەنگەن ءتارتىپ بويىنشا عانا جىبەرىلەدى. سونداي-اق, اۋىل اراسىندا قاتىنايتىن اۆتوبۋستار مەن شاعىن اۆتوبۋستار مۇلدە توقتاتىلادى. رەسەيگە شىعاتىن جۇك كولىكتەرىنە دە تىيىم سالىنادى.
ەندى قالا تۇرعىندارى تۇنگى 22.00-دەن كەيىن سىرتقا اسا قاجەت بولعان جاعدايدا عانا شىعۋى ءتيىس. قاۋلى 31 ناۋرىز كۇنى ساعات 22.00-دەن باستاپ كۇشىنە ەنەدى.
قوستاناي وبلىسى