قاراعاندىدا «كومەك-2020» وبلىستىق قوعامدىق قورى قۇرىلدى

قازىردىڭ وزىندە اتالعان قورعا ءوڭىر كاسىپكەرلەرىنەن قاراجات تۇسە باستادى. اتاپ ايتقاندا, «Yandex Corporation» كومپانياسى اكتسيونەرلەرىنەن  قوردىڭ ەسەپ-شوتىنا 100 ميلليون تەڭگەگە جۋىق اقشا ءتۇستى. بۇدان بولەك, «Ydd Corporation», «QazCarbon» سىندى فيرمالاردىڭ, «سارىارقا-نان» زاۋىتىنىڭ جانە بالقاش قالاسىنىڭ «بالقاش-نان» كاسىپورنىنىڭ ەڭبەك ۇجىمدارى ءبىر كۇندىك ەڭبەكاقىلارىن اۋداردى. بۇگىنگى كۇندە جينالعان قاراجاتتىڭ جالپى سوماسى 18 ميلليون تەڭگەنى قۇرادى. بۇل اقشا كوروناۆيرۋس ينفەكتسياسىنىڭ تارالۋىنا قارسى كۇرەسكە, سونداي-اق تۇرمىستىق اۋىر جاعدايلارعا تاپ بولعان ادامدارعا الەۋمەتتىك كومەك رەتىندە جۇمسالاتىن بولادى.

«كومەك-2020» وبلىستىق قوعامدىق قورىنىڭ جۇمىسىن قۇرامىنا مەديتسينا عىلىمدارىنىڭ دوكتورى, پروفەسسور, مەملەكەتتىك سىيلىقتىڭ يەگەرى قاني مۇسۇلمانبەكوۆ, «رۋحاني جاڭعىرۋ» باعدارلاماسىن جۇزەگە اسىرۋ بويىنشا قاراعاندى وبلىسى اكىمىنىڭ كەڭەسشىسى, قازاقستان حالقى اسسامبلەياسىنىڭ مۇشەسى, وبلىستىق ءماسليحات دەپۋتاتى بەكزات التىنبەكوۆ, «قاراعاندى مەديتسينا ۋنيۆەرسيتەتى» كەاق رەكتورىنىڭ كەڭەسشىسى, قازاقستان حالقى اسسامبلەياسىنىڭ عىلىمي-ساراپتامالىق توبىنىڭ مۇشەسى ۆيلەن مولوتوۆ-لۋچانسكي,  جازۋشىلار وداعىنىڭ مۇشەسى, اقىن سەرىك اقسۇڭقار ۇلى, قازاقستاننىڭ ەڭبەك سىڭىرگەن جاتتىقتىرۋشىسى, سپورت قايراتكەرى ۆالەري گروموۆ ەنگەن قامقورشىلىق كەڭەس باقىلايدى.

قاراعاندى وبلىسى