WhatsApp مەسسەندجەرى ارقىلى ارقالىقتا كوروناۆيرۋس جۇقتىرعان ءبىر ادام شىعىپتى-مىس, - دەگەن اقپارات تارادى. ۆاتساپ-حابارلامادا ۆيرۋس جۇقتىرعان ايەلدىڭ قالا بازارىندا جۇمىس ىستەيتىنى, ساۋداگەر تاياۋدا عانا بىشكەككە تاۋارعا بارىپ كەلگەنى ايتىلعان. قوستاناي وبلىسىنىڭ پوليتسيا دەپارتامەنتى حابار تاراتقان ايەلدى ىزدەستىرىپ جاتقانىن حابارلادى.
تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى بەرگەن مالىمەت بويىنشا, ارقالىقتا كوروناۆيرۋس جۇقتىرعاندار جوق. كەشە ارقالىق پەن جىتىقارادا ەكى ادام گوسپيتالعا جاتقىزىلعان. ونىڭ بىرەۋى - ەر ادام, ەكىنشىسى – ايەل. ولاردىڭ اقمولا وبلىسىندا كوروناۆيرۋستان قازا تاپقان ايەلمەن ءبىر پويىزدا وتىرعانى انىقتالعان. ەكەۋىنەن قان الىنىپ, تالداۋ قورىتىندىسى تەرىس ناتيجە كورسەتكەن. ەكەۋى دە كارانتين اياقتالعانشا دارىگەرلەردىڭ باقىلاۋىندا بولادى.
قوستاناي وبلىسى