«بۇلاق كورسەڭ, كوزىن اش» دەپ داناگوي بابالارىمىز وسيەت ەتكەندەي, ءبىزدىڭ ەلىمىزدە ءىلىم-بىلىمگە ۇمتىلعان جاستارعا كەڭ قولداۋ كورسەتىلىپ كەلەدى. ارينە, ءار وقۋشىنىڭ ءبىلىم دەڭگەيى ۇبت سىناعى كەزىندە بەلگىلى بولادى. بيىلعى ۇبت قورىتىندىسىمەن اتىراۋ قالاسىنداعى اعىلشىن ءتىلىن تەرەڭدەتىپ وقىتاتىن تەحنيكالىق گيمنازيانىڭ ءۇش تۇلەگى – سامال قۇماروۆا, نۇرجان قامزاەۆ جانە اقبوكەن ساحتانوۆ ون ءبىر جىل بويى جيناعان ءبىلىمىنىڭ ناتيجەسىندە ەڭ جوعارى كورسەتكىش – 125 باللعا يە بولدى. وسى وقۋ ورداسىنىڭ جانە ءبىر تۇلەگى – ايناش اۋبەكەروۆا ءبىلىم سىناعىنان 124 باللدىق كورسەتكىشكە قول جەتكىزىپ, ۇستازدارىنىڭ سەنىمىن اقتادى.
ءبىلىمدى جاستىڭ ءجۇزى جارقىن
«بۇلاق كورسەڭ, كوزىن اش» دەپ داناگوي بابالارىمىز وسيەت ەتكەندەي, ءبىزدىڭ ەلىمىزدە ءىلىم-بىلىمگە ۇمتىلعان جاستارعا كەڭ قولداۋ كورسەتىلىپ كەلەدى. ارينە, ءار وقۋشىنىڭ ءبىلىم دەڭگەيى ۇبت سىناعى كەزىندە بەلگىلى بولادى. بيىلعى ۇبت قورىتىندىسىمەن اتىراۋ قالاسىنداعى اعىلشىن ءتىلىن تەرەڭدەتىپ وقىتاتىن تەحنيكالىق گيمنازيانىڭ ءۇش تۇلەگى – سامال قۇماروۆا, نۇرجان قامزاەۆ جانە اقبوكەن ساحتانوۆ ون ءبىر جىل بويى جيناعان ءبىلىمىنىڭ ناتيجەسىندە ەڭ جوعارى كورسەتكىش – 125 باللعا يە بولدى. وسى وقۋ ورداسىنىڭ جانە ءبىر تۇلەگى – ايناش اۋبەكەروۆا ءبىلىم سىناعىنان 124 باللدىق كورسەتكىشكە قول جەتكىزىپ, ۇستازدارىنىڭ سەنىمىن اقتادى.
ۇبت سىناعىنىڭ بيىك شىڭىن باعىندىرعان ءۇش تۇلەكتىڭ تالپىنىسى بارشا قازاقتى ۇلكەن ابىرويعا بولەدى. ولاردىڭ ءىلىم-ءبىلىمنىڭ كوكجيەگىنە قول سوزعان تالپىنىسىنا وبلىس اكىمى باقتىقوجا ءىزمۇحامبەتوۆ قولداۋ كورسەتىپ, ارقايسىسىنا 1 ميلليون تەڭگەدەن قارجىلاي سىي جاسادى. ءوز قاتارلاستارىنان بىلىمىمەن وق بويى وزىپ شىققان تۇلەكتىڭ ۇستازدارى دا ۇلكەن قۇرمەتكە ءبولەندى. جالپى, ءوڭىر باسشىلىعى تاراپىنان كورسەتىلەتىن قولداۋدان الىس اۋىلدارداعى مەكتەپ وقۋشىلارى دا تىس قالىپ وتىرعان جوق.
بۇرىنعىداي ەمەس, الىس اۋىلداردا دا مەكتەپتەر جاڭاردى, وسى زامانعى قۇرال-جابدىقتارمەن قامتىلۋدا. سوعان وراي مۇعالىمدەردىڭ دە بىلىكتىلىگىن ارتتىرۋىنا مۇمكىندىك مولايدى. ال بۇل وقۋشىلاردىڭ ساپالى ءبىلىم الىپ, ەركىن ەلىمىزدىڭ ءبىلىمدى, بىلىكتى تۇلعاسى رەتىندە قالىپتاسۋىنا يگى ىقپالىن تيگىزەرى داۋسىز. جاقىن ارادا اتىراۋ وبلىسىندا تاعى دا بىرنەشە جاڭا مەكتەپ اشىلعالى وتىر. سونىمەن بىرگە, نازارباەۆ زياتكەرلىك مەكتەبى دە وقۋشىلاردى قابىلداي باستاماق.
بەرىكقالي سارسەنعاليەۆ,
اتىراۋ وبلىستىق ءبىلىم باسقارماسىنىڭ باسشىسى.
قۋانىشىمىز شەكسىز
«ادامنىڭ ءبىر قىزىعى بالا دەگەن» دەپ دانىشپان اباي اتامىز ايتقانداي, ادامعا پەرزەنت سۇيۋدەن, ونىڭ ومىردەن ءوز ورنىن تابۋىنا ىقپال ەتۋدەن ارتىق باقىت بولا ما. ءبىز دە جولداسىم اقتورعىن ەكەۋمىز ميراسبەگىمىز تۋعاندا سونداي قۋانىشتى باستان كەشتىك. ۋاقىت دەگەن قانداي شاپشاڭ. ءسويتىپ, وتباسىمىزدىڭ كوز قۋانىشىنا اينالعان تۇڭعىشىمىز دا مەكتەپكە بارۋ جاسىنا كەلىپ قالدى. جازداي يدياتۋللا اتاسى مەن گۇلمايرام اجەسىنىڭ قولدارىندا تاربيەلەنىپ, سول جاقتا وقىعىسى دا كەلگەن-ءدى. الايدا, اقتوبە قالاسىنداعى №24 لينگۆيستيكالىق مەكتەپ-گيمنازياسىندا وقىسىن دەپ شەشتىك.
بالانىڭ مەكتەپكە بارۋىنىڭ ءوزى ناعىز قۋانىش قوي. كەزىندە ءبىز وسى كۇندى اسىعا كۇتەتىنبىز. پارتالارى, تاقتالارى سىرلانعان كلاسقا العاش رەت ەنۋدىڭ اسەرىن ايتساڭشى. شىتتاي جاڭا كيىممەن, سومكەڭدى قۇشاقتاپ, ءوزىڭ قاتارلى بالالارمەن ءبىر توپتا بولۋ قانداي عانيبەت دەسەڭشى. ءبىز دە ميراسبەگىمىزگە وقۋ قۇرالدارىن, كيىمدەرىن الىپ بەرىپ, مەكتەپكە بارۋعا دايىنداپ, قۋانتتىق. وقۋعا تالابى زور. ونىڭ ۇستىنە بالاباقشادا بولعاندىقتان ءارىپ تانىپ, ساناۋدى ۇيرەندى. ول باراتىن مەكتەپ ۇيگە جاقىن, كولىك قوزعالىسى ازداۋ جەردە ورنالاسقان. مەكتەپتىڭ جاڭا وقۋ جىلىنا دايىندىعى دا ءوز دەڭگەيىندە. كلاستاعى جيھازدار, ادىستەمەلىك وقۋ قۇرالدارى تالاپقا ساي. ءبىر سوزبەن ايتقاندا, ۇلكەن ۇلىمىزدىڭ العاش مەكتەپ تابالدىرىعىن اتتاۋىن اسىعا كۇتۋدەمىز. مىندەتتى تۇردە العاشقى قوڭىراۋىنا قاتىسىپ, كلاسىنا كىرگىزىپ, پارتاسىنا وتىرعىزامىز. ءبىلىمنىڭ نەگىزى باستاۋىشتا قالانادى. سوندىقتان وقۋىن قاداعالاپ, ۇيرەتىپ وتىرۋ دا اتا-انالىق مىندەتىمىز. بولاشاقتا الاتىن ءبىلىمى ەلىنىڭ ازاماتى بولۋىنىڭ العىشارتى دەپ بىلەمىز. الدا كەلە جاتقان ءبىلىم كۇنى مەرەكەسىمەن ۇستازداردى, اتا-انالاردى قۇتتىقتايمىن.
نۇرجان قياسوۆ,
«قر ستاتيستيكا اگەنتتىگى اەو» شجق رمك-نىڭ
اقتوبە وبلىسى بويىنشا فيليالىنىڭ ديرەكتورى.
اقتوبە.
كو