سوڭعى 5 جىلدا الماتى وبلىسىندا يندۋستريالىق تۇرعىدا دامىتۋدا تۇراقتىلىق ساقتالىپ, ونەركاسىپ ءونىمىنىڭ كولەمى 1,7 ەسەگە, ياعني 300 ملرد. تەڭگەدەن 500 ملرد. تەڭگەگە دەيىن ءوستى. بىلتىر وڭدەۋ ونەركاسىبىنىڭ كولەمى جالپى ءوندىرىس كولەمىنە شاققاندا 83%-دى قۇراپ, رەسپۋبليكا بويىنشا 2-ورىنعا كوتەرىلسە, ىشكى ايماقتىق ءونىم قۇرىلىمىنداعى وڭدەۋ ونەركاسىبىنىڭ ۇلەسى 17,4% ورىندالدى.
سوڭعى 5 جىلدا الماتى وبلىسىندا يندۋستريالىق تۇرعىدا دامىتۋدا تۇراقتىلىق ساقتالىپ, ونەركاسىپ ءونىمىنىڭ كولەمى 1,7 ەسەگە, ياعني 300 ملرد. تەڭگەدەن 500 ملرد. تەڭگەگە دەيىن ءوستى. بىلتىر وڭدەۋ ونەركاسىبىنىڭ كولەمى جالپى ءوندىرىس كولەمىنە شاققاندا 83%-دى قۇراپ, رەسپۋبليكا بويىنشا 2-ورىنعا كوتەرىلسە, ىشكى ايماقتىق ءونىم قۇرىلىمىنداعى وڭدەۋ ونەركاسىبىنىڭ ۇلەسى 17,4% ورىندالدى.
ءسويتىپ, يننوۆاتسيالىق قارقىن دەڭگەيى ارعى جىلعى كورسەتكىشتەن 2,3 ەسەگە ارتتى. جالپى العاندا, 5 جىلدا تارتىلعان ينۆەستيتسيا كولەمى 393 ملرد. تەڭگەگە جەتتى. تۇراقتى ءوسۋ قارقىنى اعىمداعى جىلى دا ساقتالىپ, 6 ايدىڭ قورىتىندىسى بويىنشا ىشكى ايماقتىق ءونىم قۇرىلىمىنداعى وڭدەۋ ونەركاسىبىنىڭ ۇلەسى 19,3%-عا ورىندالسا, وڭدەۋ ونەركاسىبىندەگى ەڭبەك ونىمدىلىگى 106,7%-دى, مەملەكەتتىك ساتىپ الۋداعى قازاقستاندىق قامتۋ دەڭگەيى 86,8%-دى قۇراپ, 14,6 ساتىعا جوعارىلادى. تۇتاستاي العاندا, جەتىسۋ جەرىندە قۇس شارۋاشىلىعى كلاستەرىنىڭ دامۋى قارقىن الۋدا. يندۋستريالاندىرۋ كارتاسى اياسىندا «الاتاۋ قۇس» جشس قۇس فابريكاسىنىڭ, ءۇش سويا وڭدەۋ زاۋىتىنىڭ جانە جەم قوسپالارىن شىعارۋ زاۋىتىنىڭ قۇرىلىسى زاڭناما تالابىنا ساي جاسالعان جوبا بويىنشا جۇزەگە اسىرىلدى. سونىمەن قاتار, 2014 جىلى تالعار جانە جامبىل اۋداندارىندا تاعى 2 قۇس فابريكاسىن ىسكە قوسۋ جوسپارلانۋدا. بۇل قۋانارلىق جايت. ويتكەنى, شيكىزات شىعارۋمەن شەكتەلمەي, ونى قايتا وڭدەپ ۋاقىت تالابىنا ساي حالىقتىڭ پايدالانۋىنا ۇسىنۋ, مۇمكىندىگىنشە ەكسپورتقا شىعارۋ كوپ ەڭبەكتى قاجەت ەتەدى. ءسويتىپ جۇزدەگەن جۇمىس ورىندارى اشىلىپ, تۇرعىلىقتى حالىق جۇمىسپەن قامتىلادى. وسىنىڭ بارلىعىن ۇيلەستىرىپ وتىرعان بيلىك ەكەنى انىق. ناقتىلاي تۇسسەك, مەملەكەتتىك ساياساتقا ساي الماتى وبلىسىندا كاسىپكەرلىكتى دامىتۋعا جارقىن جول اشىلعاندىعىنىڭ ءبىر دالەلى ەمەس پە؟! بىلە-بىلسەك, ينۆەستيتسيا تارتۋ وڭاي جۇمىس ەمەس. بۇل رەتتە «الاتاۋ قۇس» جاۋاپكەرشىلىگى شەكتەۋلى سەرىكتەستىگىنىڭ جۇمىسىن مىسالعا كەلتىرۋگە بولادى. نەگىزگى ارەكەتى قۇس ەتىن ءوندىرۋ بولىپ تابىلاتىن ءوندىرىس ورنىنا 20314 ملن. تەڭگە زاەمدىق قاراجات جانە 500,2 ملن. تەڭگە مەنشىكتىك قاراجات تارتىلىپ, 2012 جىلى قىركۇيەك ايىندا ىسكە قوسىلدى. بۇگىندە 720 ادام جۇمىس ىستەيدى. ءوندىرىس ورنىنىڭ قۋاتتىلىعى 3500 ملن. تەڭگە بولادى دەپ جوسپارلانىپ, ول مەجە 100 پايىزعا ورىندالىپ وتىرعانى تاعى بار. قورىتا ايتقاندا, يندۋستريالاندىرۋ يگىلىگىن ەل كورىپ ءھام سول ءوندىرىس ورنىندا ەڭبەك ەتىپ, ناپاقالارىن تابۋدا.
نۇربول الدىباەۆ,
«ەگەمەن قازاقستان».
الماتى وبلىسى.