ورتالىق كەڭسەدە ازاماتتاردى قابىلداۋ ۋاقىتشا توقتاتىلدى. بۇل تۋرالى ەلوردا اكىمدىگىنىڭ رەسمي سايتى حابارلادى.
«بارلىق 129 Iqala قىزمەتى تسيفرلاندىرىلعان جانە www.iqala.kz سايتىندا قول جەتىمدى. كەز-كەلگەن ادام ونلاين-كەڭەستەردى قالقىمالى تەرەزە ارقىلى, سونداي-اق 109 بايلانىس ورتالىعىنا قوڭىراۋ شالۋ ارقىلى الا الادى» دەپ حابارلادى نۇر-سۇلتان قالاسى اكىمىنىڭ ورىنباسارى م.بەكتۇروۆا تەلەگرام كانالىندا.
قالا اكىمنىڭ ورىنباسارى بارلىق قىزمەت تۇرلەرى جەكە جانە زاڭدى تۇلعالارعا قول جەتىمدى دەپ اتاپ ءوتتى. قىزمەتتەر ءتىزىمى پورتالدىڭ باستى بەتىنە ورنالاستىرىلعان. كەز-كەلگەن قىزمەت ءتۇرىن ونلاين رەجيمدە الۋ ءۇشىن ەلەكتروندى تسيرفلىق قولتاڭبا ارقىلى جەكە كابينەتتە اۆتوريزاتسيادان ءوتۋ قاجەت. ارى قاراي 129 قىزمەت ءتۇرىنىڭ كەز-كەلگەنىنە ءوتىنىم بەرە الاسىز. IQala قالالىق قىزمەت كورسەتۋ ورتالىعى استانا تۇرعىندارىنا تۇرعىن ءۇي - كوممۋنالدىق سەكتور ۇيىمدارىنىڭ قىزمەتتەرىن ونلاين رەجيمىندە الۋعا مۇمكىندىك بەرەدى.