تۇركىستان وبلىسىندا Nur Otan پارتياسى باستاماسىمەن وتكىزىلىپ جاتقان ء"بىز بىرگەمىز!" اكتسياسى اياسىندا وڭىردەگى اۋدان, قالالاردا 690 وتباسىعا الەۋمەتتىك كومەك كورسەتىلدى.
پارتيانىڭ "كەدەرگىسىز كەلەشەك", "باقىتتى وتباسى" جانە "ارداگەرلەردى ارداقتايىق" جوبالارى ارقىلى جالعىزىلىكتى قاريالار, مۇمكىندىگى شەكتەۋلى جاندار, كوپبالالى وتباسىلار جانە الەۋمەتتىك جاعدايى وتە تومەن تۇرعىندارعا قولداۋ كورسەتىلۋدە. كوروناۆيرۋسكە قارسى كۇرەس, تۇرعىنداردىڭ ءال-اۋقاتىن كوتەرۋ ماقساتىنداعى اكتسياعا پارتيا فيليالدارى, اۋدان, قالا اكىمدەرى, جاسوتاندىقتار, ەرىكتى جاستار جانە جومارت كاسىپكەرلەر مەن ءماسليحات دەپۋتاتتارى بەلسەندى اتسالىسۋدا. باستاپقىدا 1300-دەي وتباسىعا كومەك بەرۋ جوسپارلانعان بولاتىن. الايدا تۇرعىنداردىڭ وتىنىشتەرى بويىنشا بۇل ءتىزىم 1500-گە ۇلعايىپ وتىر. "بۇگىنگىدەي سىن ساتتە حالىقپەن بىرگە بولىپ, قولدان كەلگەنشە مۇقتاج جاندارعا كومەكتەسۋىمىز كەرەك. وبلىس اكىمى ومىرزاق ەستاي ۇلىنىڭ تاپسىرماسىمەن وڭىردە بۇل اكتسيا جوعارى دەڭگەيدە ءوتىپ جاتىر" دەدى Nur Otan پارتياسى وبلىستىق فيليالى توراعاسىنىڭ ءبىرىنشى ورىنباسارى بەيسەنباي تاجىباەۆ.
مەرەكەلىك دەمالىس كۇندەرى دە جۇمىستى توقتاتپاعان جاستار مەن ەرىكتىلەر, پارتيا وكىلدەرى يگى ءىستى جالعاستىرىپ, دەمەۋشىلەر, ەل ازاماتتارى تاراپىنان تۇسكەن قارجىعا الىنعان ازىق-ت ۇلىكتى اۋدان, اۋىلدارعا جەتكىزۋدە.
تۇركىستان وبلىسى