قيىن ساتتە ءبىر-بىرىنە قول ۇشىن بەرىپ, قولعانات بولۋ ادامداردىڭ بويىنداعى باعالى قاسيەت. كوكشەتاۋلىق جەكە كاسىپكەر دينا ءومىرجانوۆا دا ءوزىنىڭ ءىس-ارەكەتى ارقىلى وزگەلەرگە ۇلگى بولۋعا ابدەن لايىقتى.
وتانداستارىمىزدىڭ بويىندا ادام جانىن ەلجىرەتەر قاناتتى قامقورلىققا تولى ادەمى قاسيەتتەردىڭ كوپتىگى قۋانتادى. قينالعان ساتتە جەلەپ-جەبەۋ جالعىزىلىكتى جانداردىڭ عانا ەمەس, ءتورت قۇبىلاسى تەڭ وزگە دە ەلدىڭ سۇيىسپەنشىلىگىن تۋعىزىپ وتىر. كوكشەتاۋلىق تاكسي جۇرگىزۋشىلەرى كەيبىر ساتتە جولىنان قالىپ بارا جاتقانداردى تەگىن جەتكىزىپ سالىپ جاتىر. ەرىكتى جاستار جالعىزىلىكتى جانداردىڭ وتباسىنا ازىق-ت ۇلىك, ءدارى-دارمەگىن اپارىپ بەرۋدە. مۇنىڭ بارلىعى بىرلىكتى كورسەتەتىن قارەكەت. ال جەكە كاسىپكەر دينا ءومىرجانوۆا كەشە ءۇش مىڭنان استام ماسكانى قالا تۇرعىندارىنا تەگىن تاراتتى. كاسىپكەر ماسكالاردى وبلىس ورتالىعىنداعى «اكاي» تىگىن اتەلەسىنەن ءوز قاراجاتىنا ساتىپ العان.
دينانىڭ اق ادال نيەتىن ۇققان ادام ونىڭ جاناشىرلىعىنا ەرىكسىز سۇيسىنەتىندەي. ەگەر اركىم ءدال وسىلاي ءوز جەرلەستەرىنە قامقورشى بولسا, قازاقستاندىقتاردى ەشبىر ىندەت قورقىتا المايدى. بىرلىگى مىقتى ەلدىڭ تىرلىگى دە بەكەم ەمەس پە؟! بەكەمدەي تۇسەتىن وسى دينا ءتارىزدى جاناشىر جاندار.
كوكشەتاۋ