تۇركىستان وبلىسىندا قاتتى جەلدىڭ سالدارىنان تۇرعىن ءۇي مەن الەۋمەتتىك ماڭىزى بار بىرنەشە نىسان شاتىرسىز قالدى. ناقتىراق ايتساق, سايرام اۋدانىنداعى №41 مادەني مەكتەبىنىڭ شاتىرىنىڭ 1 136 شارشى مەتر ءپروفناستيلىن جەل ۇشىرىپ جىبەرگەن. سونداي-اق اۋدانداعى تاعى ءبىر مەكتەپتىڭ شاتىرى جەلدىڭ ەكپىنىنەن زاقىمدالعان.
ال 23 ناۋرىز كۇنى كەشكىسىن بايدىبەك اۋدانىندا 21 م/س ەكپىنىمەن سوققان جەلدىڭ سالدارىنان العاباس اۋىلىندا ورنالاسقان ورتا مەكتەپتىڭ 91 شارشى مەتر ءپروفناستيلى قيراعان. تولەبي اۋدانى لەنگىر قالاسىندا قاتتى جەل تۇرعىن ءۇيدىڭ شاتىرىن تۇگەل ۇشىرىپ جىبەرگەن. كەنتاۋ قالاسىندا 24 ناۋرىز كۇنى ورتالىق اۋرۋحانانىڭ 200 شارشى مەتر شاتىرىن جەل تۇگەل ۇشىرىپ اكەتتى. سونىمەن قاتار, №1 ى.التىنسارين اتىنداعى جالپى ورتا مەكتەبىنىڭ, «ەلەكترون» دۇكەنىنىڭ, ياساۋي كوشەسىندەگى 5 قاباتتى تۇرعىن ءۇيدىڭ شاتىرىن دا جەل ۇشىرىپ جىبەرگەن. بىلتىر عانا پايدالانۋعا بەرىلگەن كەنتاۋ قالاسىنداعى «ەركەتاي» جەكەمەنشىك بالاباقشاسى دا شاتىرسىز قالدى. بيىل پايدالانۋعا بەرىلگەن ء«دىن اسىل-2» جەكەمەنشىك بالاباقشاسىنىڭ, سونداي-اق ساز مەكتەبىنىڭ دە شاتىرى دۇلەي جەلگە توتەپ بەرە الماي جەلگە ۇشتى.
تۇركىستان وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, بارلىق جاعدايدا ادامدار ءدىن امان, ەشكىم زارداپ شەكپەگەن. قازىر وقيعا ورنىندا قۇزىرلى ورگاندار ءتيىستى جۇمىستار جۇرگىزۋدە.
تۇركىستان وبلىسى