«اتامەكەن» ۇلتتىق كاسىپكەرلەر پالاتاسى اۋىل شارۋاشىلىعى ءمينيسترىنىڭ «قازاقستان اۋماعىنان ءۇشىنشى ەلدەرگە جەكەلەگەن تاۋارلاردى شىعارۋعا تىيىم سالۋ تۋرالى» 2020 جىلعى 22 ناۋرىزداعى №103 بۇيرىعىنىڭ قابىلداۋىنا بايلانىستى ەكسپورتتاۋشىلارعا نەگىزگى ازىق-ت ۇلىك ونىمدەرى تاۋارلارىنىڭ شىعۋى تۋرالى سەرتيفيكاتتى بەرۋدى توقتاتادى.
قازاقستاندا توتەنشە جاعدايعا بايلانىستى نەگىزگى ازىق-ت ۇلىك ونمىدەرى ەكسپورتىنا شەكتەۋ قويىلدى. ناقتى ايتقاندا, قاراقۇمىق, بيداي نەمەسە قارابيداي ۇنى, قىرىققابات, ءسابىز, شالقان, قىزىلشا, پياز, قانت, كۇنباعىس ءدانى جانە كۇنباعىس مايى بار.
اتالعان شارا توتەنشە جاعداي رەجيمىندە ىشكى نارىقتا ازىق-ت ۇلىك تاۋارلارىنىڭ كۇرت تاپشىلىعىن الدىن الۋ ماقساتىندا تاريفتىك ەمەس رەتتەۋ شاراسى بولىپ سانالادى.«اتامەكەن» ۇكپ تاۋاردىڭ شىعۋ مازمۇنىن راستايتىن سەرتيفيكاتتى بەرەتىن وكىلەتتى ۇيىم رەتىندە جوعارىدا اتالعان ونىمدەرگە ەكسپورتتىق سەرتيفيكاتتى بەرۋدى توقتاتۋعا ءماجبۇر ەكەنىن حابارلادى.
وسى رەتتە اۋىل شارۋاشىلىعى مينيسترلىگى ازىق-ت ۇلىك ونىمدەرى ەكسپورتىنا تىيىمدى الىپ تاستاعان سوڭ, پالاتا سەرتيفيكاتتاردى شەكتەۋسىز, قالىپتى رەجيمدە بەرۋدى باستايتىنىن ەسكە سالادى.
اۋىل شارۋاشىلىعى ءمينيسترىنىڭ 2020 جىلعى 22 ناۋرىزداعى №103 بۇيرىعىنىڭ تولىق ماتىنىمەن مىنا سىلتەمەدەن: «و قازاقستان رەسپۋبليكاسى اۋماعىنان ءۇشىنشى ەلدەرگە جەكەلەگەن تاۋارلاردى شىعارۋعا تىيىم سالۋ تۋرالى» تانىسۋعا بولادى.
«اتامەكەن» توتەنشە جاعداي جانە كارانتين كەزىندە كəسىپكەرلىككە قاتىستى ماسەلەلەردى جيناقتاپ, بيزنەس وكىلدەرى اراسىندا ساۋالناما جۇرگىزۋدە.