قالاعا كىرىپ-شىققىسى كەلەتىن ازاماتتاردا وزدەرىمەن بىرگە جەكە سانيتارلىق قورعانىس قۇرالدارى بولۋى ءتيىس, دەپ حابارلادى ەلوردا اكىمدىگىنىڭ رەسمي سايتى.
نۇر-سۇلتان قالاسى اكىمدىگىنىڭ مالىمەتىنشە, قازاقستان استاناسىنىڭ اۋماعىنا كىرۋ(شىعۋ) وتكىزۋ-تەكسەرۋ بەكەتتەرى ارقىلى كەلەسى قۇجاتتار بولعان جاعدايدا عانا جۇزەگە اسىرىلادى: الىپ ءجۇرۋشىنىڭ جەكە كۋالىگى مەن تولقۇجاتى, تاۋاردىڭ (ازىق-ت ۇلىك, قۇرىلىس ماتەريالدارى, ءدارى-دارمەك پەن تەمەكى ونىمدەرى) تاۋار-كولىكتىك جۇكقۇجاتى.
سونىمەن قاتار, كىرەتىن (شىعاتىن) تۇلعالاردىڭ وزدەرىمەن بىرگە جەكە سانيتارلىق قورعانىس قۇرالدارى بولۋى ءتيىس: سانيتايزەر مەن گيگيەنا قۇرالدارى (قوسىمشا ماسكا مەن رەزەڭكە قولعاپ); قوسىمشا جەكە سانيتارلىق قورعانىس قۇرالدارى (ماسكا, حالات, رەزەڭكە قولعاپ).
وعان قوسا, جادىنامادا كورسەتىلگەندەي, قالا اۋماعىنا تاۋار جەتكىزۋ كەلەسى مەرزىمگە دەيىن جۇزەگە اسىرىلۋى كەرەك: قۇرىلىس ماتەريالدارى مەن ازىق-ت ۇلىككە جاتپايتىن تاۋارلار تۇنگى ۋاقىتتا ساعات 22:00 مەن تاڭعى 05:00-كە دەيىن; ازىق-ت ۇلىك تاۋارلارى, تەمەكى بۇيىمدارى مەن ءدارى-دارمەك ونىمدەرى- تاۋلىك بويى. بۇدان بولەك, استاناعا ۇزاق مەرزىمگە كەلگەن كولىك قۇرالدارى ەسەپكە الىنادى. جۇك كولىكتەرىنە شتابتىڭ كەلىسىمىنسىز ءجۇرىپ-تۇرۋعا رۇقسات بەرىلمەيدى. قالا اۋماعىنا كولىك قۇرالدارىن وتكىزۋگە ارنالعان ءوتىنىم ۇلگىسى تومەندە كورسەتىلگەن.