ناۋرىز ايى كينو ورتالىعىنىڭ قىزمەتكەرلەرى مەن كينوجوبالاردى ءتۇسىرىپ جاتقان توپتاردىڭ دا تالاي جوسپارىن تۇپكىلىكتى وزگەرتىپ وتىر.
نۇر-سۇلتان جانە الماتى قالالارىندا جاريالانعان كارانتين كەزەڭىندە كينو ورتالىعى كومانداسى قاشىقتان جۇمىس ىستەۋ تارتىبىنە اۋىستى. جوسپارلانعان كەزدەسۋلەر مەن ماجىلىستەر ادەتتەگى كەستەمەن, بىراق ونلاين رەجيمدە وتكىزىلۋدە.
قازىرگى كۇندەرى كينو ورتالىعىنىڭ ناۋرىز ايىنداعى جاڭالىقتارى تومەندەگىدەي بولىپ تۇر.
ەڭ باستى وقيعا ونلاين رەجيمىندە وتكىزىلگەن كينوجوبالاردىڭ ەكىنشى پيتچينگى بولدى. ساراپشىلار كەڭەسى وعان دەيىن 4 اي ىشىندە 223 ءوتىنىمدى قاراعان بولاتىن. ەندى ىرىكتەپ الىنعان جوبالار ۆەدومستۆوارالىق كوميسسياعا جىبەرىلىپ, كوميسسيا مەملەكەت تاراپىنان قارجىلاندىرۋعا ۇمىتكەر فيلمدەردىڭ ەڭ سوڭعى ءتىزىمىن بەكىتەدى.
70-ءشى بەرلين كينوفەستيۆالىنە قاتىسىپ, Kazakh سinema ستەندى العاش رەت كورمەگە قويعان كينو ورتالىعى ەلىمىزدىڭ كينو ونەرىن بەدەلدى دەگەن كينو فورۋمدارى مەن كونو الاڭدارىنا شىعارۋدى جوسپارلاپ وتىرعان-دى.
الايدا, كوروناۆيرۋس پاندەمياسىنا بايلانىستى كارانتين جاريالانۋى سالدارىنان جۋىردا وتكىزىلۋى كەرەك بولعان كينوفەستيۆالدەر كەيىنگە قالدىرىلدى. قازاقستان بىرنەشە كينو جوباسىن ۇسىنعان كانن فەستيۆالى دە جوسپارلانعان ۋاقىتتا وتكىزىلمەيتىنى بەلگىلى بولىپ وتىر.
سونىمەن قاتار كوروناۆيرۋس پاندەمياسى مەن قازاقستاندا ەنگىزىلگەن تج تارتىبىنە بايلانىستى كينو ورتالىعى قارجىلاندىرىپ وتىرعان بىرقاتار فيلمدەردى ءتۇسىرۋ ۋاقىتشا توقتاتىلدى. ولاردىڭ قاتارىندا قاناعات ءمۇستافيننىڭ «قاجىمۇكان» ءفيلمى, اقان ساتاەۆتىڭ «بوكسشى» ءفيلمى جانە ەمير بايعازيننىڭ «تاڭداۋ» ءفيلمى بار.
دەگەنمەن, وقشاۋلانۋعا ءماجبۇر بولعانىنا قاراماستان, «ۇكقمو» قەاق ءتورايىمى گۇلنار سارسەنوۆا باستاعان كينو ورتالىعىنىڭ قىزمەتكەرلەرى ورتالىقتىڭ ەڭ باستى مىندەتى – قازاقستاندىق كينونى الەمگە تانىتۋعا جانە كورەرمەندەردىڭ مۇددەلەرىن ويلاۋعا نازار اۋدارۋ دەپ بىلەدى.
كارانتين كەزەڭىندە بوس ۋاقىتتى قولايلى ءارى پايدالى وتكىزۋ ءۇشىن, كينو ورتالىعىنىڭ ۆەب-سايتى مەن الەۋمەتتىك جەلى پاراقتارىنان قاراۋعا مۇمكىندىك بەرەتىن بەلسەندى ارەكەتتەر ىرىكتەلىپ, قويىلدى.
ەستەرىڭىزگە سالا كەتەيىك, ونلاين-كينوتەاترلار مەن كينوپلاتفورمالار قازاقستاندىق فيلمدەردىڭ ارنايى توپتاماسىن ۇسىنىپ وتىر. سونىمەن بۇگىندە ۇيدە وتكىزىپ جاتقان كانيكۋلىمىز – وتاندىق كينەماتوگرافقا باعا بەرەتىن كەزەڭ سياقتى.