وكىنىشكە قاراي, بۇگىنگىدەي جاۋاپتى ساتتە توتەنشە جاعداي تالاپتارىن ساقتاۋعا ءمان بەرمەي وتىرعان تويشىل قاۋىم تابىلۋدا. تۇركىستان وبلىسى تولەبي اۋدانىنىڭ تۇرعىنى لەنگىردە ورنالاسقان كافەسىنىڭ جۇمىسىن ءتۇن جارىمىنا دەيىن توقتاتپاعان.
قۇقىق بۇزعان ءدامحانا قوجايىنىنا قاتىستى توتەنشە جاعداي رەجيمىن بۇزعانى ءۇشىن قازاقستان رەسپۋبليكاسى اقبتك-ءنىڭ 476-بابىمەن حاتتاما رەسىمدەلگەن. اۋداندىق سوتتا ءوز ىسىنە وكىنەتىندىگىن ايتىپ, كىناسىن تولىق مويىنداعان كاسىپكەرگە 26510 تەڭگە ايىپپۇل سالىندى. سونداي-اق توتەنشە جاعداي رەجيمىن بۇزعانى ءۇشىن ارىس قالاسىنىڭ تۇرعىنىنا 18557 تەڭگە كولەمىندە ايىپپۇل سالىندى. ارىس قالاسىنىڭ تۇرعىنى ءوز ءۇيىنىڭ اۋلاسىنا تۋعان-تۋىستارىن شاقىرىپ, كوپشىلىكتى جيىپ بەتاشار تويىن وتكىزگەن. سوتتا قۇقىق بۇزۋشى ايەل پەرزەنتىنىڭ قۋانىشىن جاقىندارىمەن بولىسكىسى كەلگەنىن, تارتىپكە باعىنباي قۇقىق بۇزعانىنا وكىنەتىندىگىن, ءوزىنىڭ كىناسىن تولىق مويىندايتىنىن ايتقان.
ايتا كەتەلىك, ەكى جاعدايعا بايلانىستى دا سوت قاۋلىسى زاڭدى كۇشىنە ەنبەگەن.