وبلىس ورتالىعى تۇركىستان قالاسىندا الەۋمەتتىك, كاسىپكەرلىك نىساندار مەن ادام كوپ جيىلاتىن قوعامدىق ورىنداردىڭ جۇمىس تارتىبىنە قاتىستى وزگەرتۋلەر مەن شەكتەۋلەردىڭ ورىندالۋىن باقىلاۋ ماقساتىندا «ساقشى» ارنايى جوباسى باستاۋ الىپ, رەيدتىك شارالار جۇرگىزىلۋدە.
قالالىق پوليتسيا دەپارتامەنتىنىڭ قىزمەتكەرلەرى مەن ولاردىڭ قوعامدىق كومەكشىلەرى قالا اۋماعىندا ءدامحانا, مەيرامحانا مەن دۇكەندەردى ارالاپ, قاۋىپسىزدىكتىڭ قاتاڭ ساقتالۋىن, نىساندارعا كىرەر ەسىكتەردە انتيسەپتيكالىق قۇرالداردىڭ بولۋىن تەكسەردى. قوعامدىق كومەكشىلەر توتەنشە جاعداي تالاپتارىن ساقتاۋ جايلى تۇسىندىرمە جۇمىستارىن جۇرگىزدى. بۇگىندە قاۋىپسىزدىكتى ساقتاۋ ماقساتىندا بارلىق جەرگىلىكتى اتقارۋشى جانە قۇزىرلى ورگاندار كۇشەيتىلگەن رەجيمدە جۇمىس ىستەۋدە.
ايتا كەتەلىك, توتەنشە جاعداي رەجيمىن ساقتاماعان 13 نىسان يەسى جانە 2 ازامات ۇيىندە توي جاساۋى سەبەپتى جاۋاپقا تارتىلدى. جالپى وبلىس بويىنشا 300-گە جۋىق ازامات رەيدتىك شارالارعا قاتىسىپ, پوليتسيا قىزمەتكەرلەرىنە كومەكتەسۋدە.