وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ مالىمەتىنشە, وڭىردە بيىلعى جىلدىڭ العاشقى توقسانىندا 3487 وتباسى اتاۋلى الەۋمەتتىك كومەك العان.
وبلىس بويىنشا 3487 وتباسىنان 15 مىڭنان استام ادامعا 364 ميلليون تەڭگەدەن استام ااك بەرىلگەن.
سونداي-اق 1-6 جاستاعى بالالارى بار وتباسىلار كەپىلدى الەۋمەتتىك پاكەت الدى. ونداي پاكەتتى الۋعا وڭىرىمىزدە 4 مىڭعا جۋىق بالا تىركەلگەن.
بۇگىندە وبلىسىمىزدا تۇراتىن 6497 بالا 295 ميلليون تەڭگەگە جاردەماقى الادى.
ال, قالالىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار ءبولىمى اتاۋلى الەۋمەتتىك كومەكتى تاعايىنداۋ سەكتورىنىڭ مەڭگەرۋشىسى اينۇر مۇقاشبەكوۆانىڭ ايتۋىنشا, وبلىس ورتالىعىندا تۇراتىن 1324 وتباسىعا 93,3 ميلليون تەڭگەگە ااك تاعايىندالعان.
–بىراق تابىسىن جاسىرعان 46 وتباسى ءوز ەركىمەن 52 ميلليون تەڭگە قارجىنى قايتاردى. سوت شەشىمى بويىنشا تاعى دا 2 وتباسى 500 مىڭ تەڭگەدەن استام قارجىنى قايتارۋعا مىندەتتەلگەن.
پاۆلودار وبلىسى