وڭىردەگى باستى سۋ كوزى - ەرتىس وزەنى. وزەننىڭ سۋى وبلىستىڭ 3 قالاسى مەن 7 اۋدانى اۋماعىنان ءوتىپ, شارۋالاردىڭ سۋارمالى ءادىستى قولدانۋىنا مۇمكىندىك بەرىپ وتىر. ال, ەكىنشى سۋ كوزى - 282 شاقىرىمدىق «ەرتىس-قاراعاندى» سۋ ارناسى. كەلەسى جىلى اتالعان سۋ ارناسى ماڭىنداعى 40 مىڭ گەكتار جەر سۋارمالى القاپقا اينالادى. بۇل ەكىباستۇز جانە اقسۋ قالالارىنا قاراستى اۋىلدىق اۋماق تۇرعىندارى ءۇشىن كوكونىس وسىرۋگە ءتيىمدى.
وڭىرىمىزدەگى تاعى ءبىرى سۋ كوزى - «ەرتىس-ۋسپەن» ارناسى. پاۆلودار اۋدانىنىڭ اۋماعىنان وتەتىن ارنانى قايتا قالپىنا كەلتىرۋ ءۇشىن رەسپۋبليكالىق بيۋدجەتتەن 8 ملرد تەڭگە قاراستىرىلعان.
اۋداندىق كاسىپكەرلىك جانە اۋىل شارۋاشىلىعى ءبولىمىنىڭ مالىمەتىنشە, اۋداندا 12 200 گەكتار سۋارمالى القاپ بار. اۋدان كولەمىندە 140 شارۋاشىلىق سۋارۋ ءادىسىن قولدانادى.
ەگەر ارنا قالپىنا كەلتىرىلسە 10 مىڭ گەكتار جەر سۋارمالى القاپقا اينالماق. سۋ ارناسىنىڭ وڭ جانە سول جاق جيەكتەرىنەن 13 شاقىرىم قاشىقتىقتاعى جەردى سۋارۋ مۇمكىندىگى تۋىندايدى. قازىرگى كەزدە بۇل اۋماقتاعى 60-70 پايىز جەر بوس.
وبلىستىق اۋىل شارۋشىلىعى باسقارماسىنىڭ مالىمەتىنشە, وڭىردە القاپ كولەمىن كوبەيتۋگە باسىمدىق بەرىلۋدە. الداعى ءۇش جىلدا وڭىردەگى سۋارمالى القاپ كولەمىن 145 مىڭ گەكتارعا دەيىن جەتەدى.
ال, قازىر وبلىس اۋماعىنداعى 70 مىڭ گەكتار جەر سۋارىلادى. بىلتىر تاعى 30 گەكتار سۋارمالى ەگىستىك قوسىلدى. الداعى 2022 جىلدارى بۇل كورسەتكىش 145 مىڭ گەكتارعا دەيىن كوبەيەدى.
ارنايى باعدارلاما اياسىندا سورعى ستانسالارى ساتىپ الىنىپ, ورناتىلىپ, ەلەكتر جەلىلەرى تارتىلادى دا, شارۋالارعا 2 پايىزدىق جىلدىق مولشەرلەمەمەن 10 جىلعا دەيىن ليزينگكە بەرىلەدى.
ال, ەرتىس وزەنىنىڭ سۋىن, ق.ساتباەۆ اتىنداعى جانە ەرتىس-ۋسپەن ارنالارىنىڭ سۋىن پايدالانۋ شارۋالار ءۇشىن ءتيىمدى.
پاۆلودار