بۇل تۋرالى باتىس قازاقستان وبلىسى ءبورلى اۋدانىنىڭ اكىمى ميرجان ساتقانوۆ Facebook پاراقشاسىندا جازدى.
«بۇگىن «اقساي» شەكارا بەكەتىندە بولىپ, مەملەكەتتىك شەكاراداعى قوزعالىستى قاداعالاپ, رەتتەپ وتىرعان شەكارا قىزمەتكەرلەرىمەن جانە تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ قىزمەتكەرلەرىمەن كەزدەستىم. ەلدەگى توتەنشە جاعدايعا بايلانىستى, ازاماتتاردىڭ قاۋىپسىزدىگىن قامتاماسىز ەتۋ ماقساتىندا ءتيىستى تاپسىرمالار مەن ۇسىنىستار بەرىلدى» دەلىنگەن حابارلامادا.
سونداي-اق ول مەملەكەتتىك ورگاندار تاراپىنان قابىلدانىپ جاتقان شارالارمەن قاتار, تۇرعىندار دا جۇكتەلگەن جاۋاپكەرشىلىكتى سەزىنۋى قاجەت ەكەنىن اتاپ ءوتتى.
«قۇرمەتتى جەرلەستەر, ەگەر سىزدەر الىس-جاقىن شەتەلدەردەن نەمەسە كوروناۆيرۋس ىندەتى تىركەلگەن باسقا دا ەلدى-مەكەندەردەن كەلگەن بولساڭىز, ءبورلى اۋداندىق ورتالىق اۋرۋحاناسىنا نەمەسە ۋچاسكەلىك دارىگەرىڭىزگە حابارلاۋىڭىزدى وتىنەمىن. قازىرگى جاعدايعا تۇسىنىستىكپەن قاراپ, ءبىر-بىرىمىزگە قولداۋ كورسەتەيىك» دەپ جازدى ميرجان ساتقانوۆ.