بۇگىنگى كۇنى تۇركىستان وبلىسىندا پاتەر ۇرلىعى قىلمىسىنىڭ اشىلۋ كورسەتكىشى ارتىپ كەلەدى. ۇرلىقتىڭ الدىن الۋ مەن بولدىرماۋ ماقساتىندا پوليتسيا قىزمەتكەرلەرى قىراعىلىق تانىتۋدا. اسىرەسە, كريمينالدى پوليتسيا بولىمىندە قىزمەت اتقاراتىن شەندىلەردىڭ ەڭبەگى جوعارى.
ءاربىر قىلمىسكەردى قۇرىقتاۋ ءىسى ومىرىنە قاۋىپ توندىرسە دە, سەرتىنەن تانبايتىن جاننىڭ ءبىرى – مەيىرحان كۋربانباەۆ. ول بۇگىنگى كۇنگە دەيىن پاتەر ۇرلىعىنىڭ بىرنەشە دەرەگىن انىقتاپ, اشقان.
– ناۋرىز ايىنىڭ باسىندا تۇركىستان قالاسىنىڭ تۇرعىنى پاتەرىن توناعانى تۋرالى پوليتسياعا شاعىمداندى. قاجەتتى ءىس-شارالار كەشەنىن جۇرگىزدىك. كۋاگەرلەردەن جاۋاپ الىپ, بەينەباقىلاۋ كامەرالارى تەكسەردىك. ءبىر اپتادان كەيىن, جەدەل-ىزدەستىرۋ ءىس-شاراسى ناتيجەسىندە تۇركىستان قالاسىنىڭ پوليتسيا قىزمەتكەرلەرى ەكى كۇدىكتىنى قۇرىقتادى. ونىڭ بىرەۋى بۇرىن سوتتى بولعان. تەرگەۋ بارىسىندا كۇدىكتىلەردىڭ 6 پاتەر ۇرلىعىن جاساپ, جابىرلەنۋشىلەرگە بىرنەشە ميلليون تەڭگە كولەمىندە شىعىن كەلتىرگەنى انىقتالدى. بەلگىلى بولعانداي, ۇرىلار جابىرلەنۋشىلەردىڭ ۇيلەرىنىڭ ەسىكتەرىن قاعىپ نەمەسە تەرەزەلەرىنەن ىشىندە ەشكىم جوق ەكەنىنە كوز جەتكىزىپ العان. سودان كەيىن تەرەزەلەر مەن اشىق ەسىك ارقىلى تۇرعىن ۇيلەرگە كىرىپ, باعالى زاتتار, التىن بۇيىمدار مەن اقشا جىمقىرعان. ۇرلانعان م ۇلىكتى جاس جىگىتتەر ساتىپ الۋشىلارعا اپارىپ ساتقان, ال اقشانى ءوز قاجەتتىلىكتەرىنە جۇمساعان. قازىرگى ۋاقىتتا اتالعان وقيعالار بويىنشا سوتقا دەيىنگى تەرگەۋ امالدارى جۇرگىزىلۋدە. سونداي-اق قاڭتار ايىندا دا قالاداعى پاتەر ۇرلىقتارىنا قاتىسى بار ەكى كۇدىكتىنى قۇرىقتادىق, – دەيدى پوليتسيا كاپيتانى.
م.مۇسابەك ۇلى 1987 جىلى ماقتارال اۋدانى, اتاكەنت قالاشىعىندا دۇنيەگە كەلگەن. شىمكەنتتەگى سپورت مەكتەپ ينتەرناتىندا ءبىلىم العان ول م.اۋەزوۆ اتىنداعى وقمۋ-دا «زاڭگەر» ماماندىعىن مەڭگەرگەن. ال ىشكى ىستەر سالاسىنداعى ەڭبەك جولىن 2013 جىلى جەدەل ۋاكىل بولىپ باستاعان. كەيىننەن الماتى قالاسىنداعى مامانداندىرىلعان باتالوندا اعا ينسپەكتور بولىپ ەڭبەك ەتەدى, تۇركىستان قالاسىندا ەكسترەميزم بويىنشا اعا جەدەل ۋاكىل قىزمەتىن اتقارادى. قازىر تۇركىستان قالالىق كريمينالدى پوليتسيا ءبولىمىنىڭ بولىمشە باستىعى ءارى پوليتسيا كاپيتانى.
– اكەم ىشكى ىستەر سالاسىندا كوپتەگەن جىلدار بويى ەڭبەك ەتتى. اكەمنىڭ جولىن قۋىپ, مەندە بالا كۇنىمدە پوليتسيا بولۋدى قاتتى ارماندادىم. وسى جولدا ءبىلىم الىپ, بىلىكتىلىگىمدى ارتتىردىم. كەيىننەن اعام دا شەن تاعىپ, ارنايى فورما كيدى. مەنىڭ دە ارمانىم الدامادى. قازىر پوليتسيا قىزمەتكەرىمىن. قوعام تىنىشتىعىن ساقتاۋ بارىسىندا قالتقىسىز قىزمەت ەتە بەرەمىن, – دەيدى م.كۋربانباەۆ.
قايرات زاينيشەۆ