جاپونيانىڭ نارا قالاسىنىڭ تۇرعىندارى تابيعاتتىڭ كەز كەلگەن قولايسىز جاعدايلارىنىڭ ءوزىن كوتەرۋگە بار. مۇنى رەسەيدىڭ «ورت-ءبىرىنشى ارنا» تەلەۆيدەنيەسى كورسەتكەن ءبىر حابار انىق بايقاتادى.
اتالمىش قالا جۇرتى قازىرگى كۇندەرى جەر بەتىندە وتە از قالعان تەڭبىل بۇعىلاردى ءوز ۇيلەرىندە ۇستايدى. وزدەىرنە جاسالىپ وتىرعان جاقسى جاعدايلار مەن ەشبىر شەكتەۋدىڭ جوق ەكەنىن سەزىنگەن جانۋارلار كۇنى بويى قالا كوشەلەرىن كەزىپ جۇرەتىن ادەت تاپقان. بۇل جول بويلارىندا كەپتەلەكتەردىڭ ءجيى ورىن الۋىنا اپارىپ سوقتىرىپ وتىر.
شىنىندا دا بۇل قالادا بۇعىلارعا قارسى ەشبىر زاڭ جوق. سوندىقتان ماگيسترال بويىندا ۇيىقتاپ جاتقان كەزدەرىندە ولاردى ەشكىم دە قۋا المايدى. دەمەك, اينالىپ ءوتۋ كەرەك.
ماسەلە مىنادا, بۇل جەردىڭ تۇرعىندارى مىڭ جىلدان بەرى وسى ەرەجەنى بەرىك ۇستانىپ كەلە جاتىر. حالىق اراسىنا كەڭىنەن تاراعان اڭىزداردىڭ ءبىرىنىڭ ايتۋىنشا, ميفيولوگيالىق بۇعى بارلىق اشا تۇياقتى جانۋارلاردىڭ ارعى تەگى بولىپ سانالادى. ونى جەر بەتىنە جاپونيانىڭ ءبىرىنشى يمپەراتورى ءتۇسىرىپتى-ءمىس. مۇندا بۇعىعا قاتىستى رۇقسات ەتىلەتىن ءبىر عانا نارسە – وعان كەرەكتى ازىقتى ساتىپ الىپ, جاقسىلاپ تويدىرۋ عانا. قالعان جايتتەردىڭ بىردە-بىرىنە رۇقسات جوق.
مۇرات ايتقوجا.