الماتى سياقتى ۇلكەن مەگاپوليستىڭ ازىق-ت ۇلىككە سۇرانىسى اجەپتاۋىر. اسىرەسە, قالا تۇرعىندارىنىڭ كوكونىس پەن جەمىس-جيدەككە جۇمسايتىن كۇندەلىكتى قارجىسى تىپتەن وراسان ەكەن. دەمەك, دايىن نارىقتى بالعىن ونىممەن قامتۋ جەرگىلىكتى بيلىك پەن شارۋا تىزگىنىن قولىنا ۇستاعان ىسكەرلەردىڭ مىندەتى بولسا كەرەك.
وسى تۇرعىدان كەلگەندە الماتى وبلىسىنىڭ مەگاپوليسپەن ىرگەلەس جاتقان اۋداندارىنىڭ مۇمكىندىگى مول. قازىردىڭ وزىندە ءىستىڭ كوزىن تاپقاندار قالاداعى نارىقتى يگەرىپ جاتىر. سونىڭ ءبىرى تالعار اۋدانىنداعى «ەڭبەك» شارۋا قوجالىعى. ەڭبەكشى اۋىلىندا ورىن تەپكەن قوجالىق جىلىجاي ءوندىرىسىن دامىتىپ وتىر ەكەن. بۇگىندە شارۋاشىلىقتىڭ قۇلپىناي وسىرەتىن جىلىجايىندا جىل ون ەكى اي بويى جەمىس ءپىسىپ, قالا تۇرعىندارىنىڭ قاجەتىن وتەيتىن ءونىم كولەمى ارتىپ كەلەدى.
بىلتىر «ەڭبەكتىكتەردىڭ» ىسىنە تۇرىك ينۆەستورلارى قىزىعىپ, قارجى سالۋعا ىنتا ءبىلدىرىپتى. وسىلايشا اۋىلداعى ءوندىرىس حالىقارالىق دەڭگەيدە كەلىسىمشارت جاساسقان. ناتيجەسىندە قۇلپىناي ەگىلگەن القاپ كولەمى 1 گەكتارعا دەيىن ءوستى. ياعني, جابىق جىلىجاي كولەمى وسىنشا اۋماققا ۇلعايدى. بۇل دەگەنىڭىز ءتاتتى جيدەك ءتۇرىن جىل بويى ءوسىرىپ, ءونىمىن الۋعا تاپتىرماس مۇمكىندىك بولدى دەگەن ءسوز.
- بۇل جىلىجايدىڭ قۇرىلىسىن بىزگە تۇركيالىق ارىپتەستەر ۇسىندى. جوبا 2016 جىلى انتاليادا وتكەن Expo كورمەسىندە ۇزدىك دەپ تانىلعان ەكەن. ينۆەستورلار ءبىزدىڭ اۋىلدى تاڭداپ, جوبانى جۇزەگە اسىرعىسى كەلەتىنىن ايتتى, قازىر ناتيجە بار. ال جوباعا 400 ميلليون تەڭگە ينۆەستيتسيا سالدى, - دەيدى «ەڭبەك» شارۋا قوجالىعىنىڭ باسشىسى بەيبىت عابدۋللين.
جىلىجاي جۇمىسى تولىقتاي جاڭا تەحنولوگيامەن ىستەيدى. گوللانديالىق ءادىس بويىنشا وتىرعىزىلعان قۇلپىناي تۇپتەرىن قوپسىتۋ مەن ارامشوپتەن تازارتۋ جانە پىسكەن ءونىمدى جيىپ, تەرۋدەن باسقا باسقا ارەكەتتىڭ بارلىعى تسيفرلى جۇيەدە اتقارىلادى. تامشىلاتا سۋارۋ ادىسىمەن قورەكتەنگەن جيدەك ءونىمدى بىركەلكى ءارى مولىنان بەرەدى ەكەن. ال جينالعان دايىن ءونىمنىڭ مەگاپوليس نارىعىنا جونەلتىلەتىنىن جوعارىدا ايتتىق.
ايتپاقشى, بيىل الماتى وبلىسى اۋىل شارۋاشىلىعىنداعى جالپى ءونىم كولەمىنىڭ تابىسىن 1 تريلليون تەڭگەگە دەيىن جەتكىزۋدى ماقسات ەتىپ وتىر. ال قايتا وڭدەلگەن ءونىم ەكسپورتى دا 23 پايىزعا ارتىپ, ونىڭ اقشاعا شاققاندا قۇنى 112 ميلليون اقش دوللارىنا دەيىن جەتەدى دەگەن بولجام بار. بۇعا نتولىق نەگىز بار. ويتكەنى, وتكەن جىلدىڭ قورىتىندىسى بويىنشا اۋىل شارۋاشىلىعى ءونىمىنىڭ كولەمى 852 ميلليارد تەڭگەگە جەتىپ, تابىس مولشەرى 3,4 پايىزعا وسكەن بولاتىن.
الماتى وبلىسى