قۇرمەتتى وتانداستار!
سىزدەردى ۇلىستىڭ ۇلى كۇنى – ناۋرىز مەيرامىمەن شىن جۇرەكتەن قۇتتىقتايمىز!
ناۋرىز مەيرامى – ءوزارا تۇسىنىستىكتى, مەيىرىمدىلىكتى, بىرلىك پەن تاتۋلىقتى جانە كەلىسىمدى بەينەلەيتىن ايرىقشا مەرەكە.
كوكتەمنىڭ شۋاعى مەن ۇكىلەگەن ۇمىتتەرىمىز رۋحاني جاڭارۋعا ىقپال ەتەدى.
بيىل ءبىز كوكتەم مەرەكەسىن ۇيدە, وتباسىمىزبەن اتاپ وتەمىز.
ءبىز ەل بىرلىگىنىڭ قۇندىلىعىن, وتباسىلىق باقىتتىڭ جانە جاقىندارىمىزدىڭ اماندىعىنىڭ ماڭىزىن ءتۇسىنىپ, قازاقستان حالقىنىڭ ءبىرتۇتاس وتباسىنا جاتاتىنىمىزدى, ەلىمىزدىڭ بولاشاعى ءۇشىن جاۋاپكەرشىلىگىمىزدى بۇرىنعىدان دا ايقىن سەزىنە باستادىق.
بىرلىك پەن كەلىسىمدى كوزىمىزدىڭ قاراشىعىنداي ساقتاپ, ىنتىماعىمىزدى نىعايتا وتىرىپ, ءبىز اينالامىزداعىلارعا قامقورلىق جاساۋ ارقىلى ءبىز جارقىن بولاشاققا سەنىم ارتامىز.
ارداقتى اعايىن!
ءبىز قوعامدىق كەلىسىمنىڭ ارقاسىندا كەز كەلگەن قيىندىقتى يىق تىرەسە ەڭسەرە بىلدىك. بۇدان ءارى دە سولاي بولادى. بۇل ءبىزدىڭ ورتاق تاريحىمىز ارقىلى دالەلدەنگەن.
ناۋرىز مەيرامى قۇتتى بولسىن! ول سىزدەرگە جانە جاقىندارىڭىزعا مىقتى دەنساۋلىق, قۋانىش, باقىت جانە جاقسى ءۇمىت اكەلسىن!
ءبىزدىڭ ورتاق ءۇيىمىز, وتانىمىز – قازاقستان رەسپۋبليكاسى وركەندەي بەرسىن!
ەجەلدەن جاڭارۋ مەن جاسامپازدىقتىڭ باستاۋى, ىرىس پەن بەرەكەنىڭ ارقاۋى بولعان بۇل مەرەكە سىزگە جانە ءسىزدىڭ جاقىندارىڭىزعا مىقتى دەنساۋلىق, قۋانىش, باقىت پەن مولشىلىق اكەلسىن!
ۇلىس وڭ بولسىن! اق مول بولسىن!
ناۋرىز مەيرامى قۇتتى بولسىن!
قازاقستان حالقى اسسامبلەياسى