بۇگىن Jýsan Bank ۇكىمەتتىڭ, ۇلتتىق بانك پەن افر شارالارىن قولداي وتىرىپ, قازاقستاندا توتەنشە جاعدايدىڭ ەنگىزىلۋى ناتيجەسىندە قارجىلىق جاعدايى ناشارلاعان كليەنتتەرگە كومەكتەسۋگە باعىتتالعان بىرقاتار باستامالاردى دايىندادى.
اعىمداعى جىلدىڭ 18 ناۋرىزىنا دەيىن نەسيە العان بارلىق جەكە تۇلعالارعا, شاعىن جانە ورتا بيزنەس سۋبەكتىلەرىنە قولدانىلاتىن وسى باستامالاردىڭ اياسىندا جانە اعىمداعى جىلدىڭ 16 ناۋرىزىنداعى جاعداي بويىنشا ۋاقىتى وتكەن تۇتىنۋشىلىق قارىزدار بولمادى, سوعان بايلانىستى تومەندەگىدەي ۇسىنىستار ازىرلەندى.
جەكە تۇلعالار ءۇشىن:
1.تۇتىنۋشىلىق نەسيەلەر بويىنشا نەگىزگى قارىز جانە مەرزىمىنەن بۇرىن تولەنگەن تولەمدەر بويىنشا ءوسىمپۇلدار مەن سىياقىلاردىڭ كۇشىن جويۋ. بۇل شارانى بانك دەربەس, كليەنتتەردىڭ فيليالدارعا بارۋىن قاجەت ەتپەي جۇزەگە اسىرادى;
2.قارىز الۋشىنىڭ ءوتىنىشى مەن راستايتىن قۇجاتتاردى جەكەشە ۇسىنۋ نەگىزىندە, بانك نەگىزگى قارىز بەن سىياقى بويىنشا 60 كۇنگە دەيىنگى مەرزىمى وتكەن تولەمدەردى ۇسىنا الادى: كەيىننەن تولەمدەردى قايتا ەسەپتەۋ ارقىلى كەپىلزات نەسيەلەر ءۇشىن, كەپىلدىكسىز نەسيەلەر ءۇشىن بانكتىك قارىز شارتىنىڭ مەرزىمىن ۇزارتۋ.
جەكە كاسىپكەرلەر مەن شاعىن جانە ورتا بيزنەس ءۇشىن:
1.قارىز الۋشىنىڭ ءوتىنىشى ارقىلى جەكە قاراستىرۋ نەگىزىندە بانك نەگىزگى بورىش پەن سىياقى بويىنشا تولەمدەردى كەيىننەن قايتا ەسەپتەي وتىرىپ 90 كۇنگە دەيىن كەيىنگە قالدىرۋدى ۇسىنا الادى;
2.توتەنشە جاعداي كەزىندە كىدىرىس تۋىنداعان جاعدايدا, قارىز الۋشىنىڭ ءوتىنىشى نەگىزىندە, نەگىزگى قارىز بەن سىياقى بويىنشا ۋاقتىلى تولەمەگەنى ءۇشىن ايىپپۇلدار مەن ءوسىمپۇلدار ەسكەرىلمەي توقتاتىلادى.
كارانتيندىك شارالاردى ساقتاۋ جانە ۆيرۋستىڭ تارالۋىن ودان ءارى بولدىرماۋ ءۇشىن ءوتىنىش ەلەكتروندى پوشتا, ءموبيلدى قوسىمشا نەمەسە بايلانىس ارنالارى ارقىلى بەرىلۋى مۇمكىن. قاشىقتان قىزمەت كورسەتۋ ارنالارى ارقىلى اينالىم مۇمكىندىگى بولماعان جاعدايدا, وتىنىشتەردى بانكتىك فيليالدار ارقىلى, ونىڭ ىشىندە مامانداندىرىلعان جاشىكتەر ارقىلى بەرۋ قاراستىرىلعان.
ء«بىز Jýsan Bank كليەنتتەرىنىڭ قيىن ۋاقىتتا ءبىزدىڭ كومەككە ارقاشان سەنىمدى بولۋىن قالايمىز. قازىر بىزدە 7711 نومىرىندە ارنايى جەدەل جەلى اشىلدى, وندا بارلىق كليەنتتەر تاۋلىك بويى كونسۋلتاتسيا الا الادى. سونداي-اق, 65 جاستان اسقان ادامدارعا ۇيدەن شىقپاي قاۋىپسىز بانك قىزمەتتەرىن الۋ بويىنشا بىرقاتار شارالاردى دايىنداپ جاتىرمىز», - دەدى Jýsan Bank باسقارما توراعاسى ايبەك قايىپ.
توتەنشە جاعدايداعى بانكتىڭ جۇمىسىنا جانە جوعارىدا اتالعان باستامالارعا قاتىستى بارلىق وتىنىشتەردى info@jysanbank.kz ەلەكتروندى پوشتاسىنا جىبەرۋگە بولادى.
الماتى