توتەنشە جاعداي كەزىندە جەكە جانە زاڭدى تۇلعالاردىڭ كەيبىر قۇقىقتارىنا شەكتەۋ قويىلادى. ازاماتتار مۇنى تۇسىنىستىكپەن قابىلداۋى قاجەت. بۇل تۋرالى ادىلەت ءمينيسترى مارات بەكەتاەۆ ورتالىق كوممۋنيكاتسيالار الاڭىنداعى ونلاين بريفينگتە ايتتى.
«پرەزيدەنت جارلىعىمەن قازاقستان بويىنشا توتەنشە جاعداي ەنگىزىلدى. بۇل ۋاقىتشا شارا ەكەنىن اتاپ وتكىم كەلەدى. ول ازاماتتاردىڭ قۇقىقتارىن قامتاماسىز ەتۋ ماقساتىندا ەنگىزىلدى. ەكىنشىدەن بۇل ارنايى قۇقىقتىق رەجيم. جەكە جانە زاڭدى تۇلعالاردىڭ كەيبىر قۇقىقتارىنا شەكتەۋ قويىلادى. سونداي-اق قوسىمشا جاۋاپكەرشىلىكتەر جۇكتەلەدى. ازاماتتار مۇنى تۇسىنىستىكپەن قابىلداۋى قاجەت», - دەدى مارات بەكەتاەۆ.
ونىڭ ايتۋىنشا, توتەنشە جاعداي رەجيمى قۇقىقتىق ءتارتىپتى قامتاماسىز ەتۋدى كۇشەيتۋگە مۇمكىندىك بەرەدى.
«بۇل جاعدايدا مەملەكەت جەدەل, ناقتى, زاڭدى شەشىمدەر قابىلدايتىن بولادى. مىسالى نۇر-سۇلتان جانە الماتى قالالارىندا كارانتين رەجيمى كونستيتۋتسياعا سايكەس ينفەكتسيانىڭ تارالۋىن بولدىرماۋ ماقساتىندا ەنگىزىلدى», - دەدى ول.