نۇر-سۇلتان قالاسى قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا ەلوردادا كوروناۆيرۋس جۇقتىرعانداردىڭ باسىم بولىگى 30-49 جاس ارالىعىندا ەكەنىن ايتتى.
«ەلوردادا قازىرگى ۋاقىتتا كوروناۆيرۋس جۇقتىرعان 25 ادام تىركەلدى. ونىڭ ىشىندە 17 جاعداي نەمەسە ناۋقاستاردىڭ 68 پايىزى - 30 بەن 49 جاس ارالىعىندا, 4 وقيعا - 50-59 جاس, 3 وقيعا - 18-29 جاس ارالىعىندا جانە ءبىر وقيعا - 14 جاستاعى جاسوسپىرىمدە كەزدەستى. قازىر ولاردىڭ دەنساۋلىق جاعدايى قاناعاتتانارلىق. دەنە تەمپەراتۋرالارى بىرقالىپتى», دەدى ساۋلە قيسىقوۆا.