اقمولالىق ديقاندار دايىندىق ۇستىندە

مايلى داقىلدار, جەمدىك شوپتەر, كارتوپ ەگۋدە ءوسىم بايقالادى. وبلىس اكىمدىگىنىڭ وتىرىسىندا وسى جانە وزگە دە ماسەلەلەر تالقىلاندى. وبلىستا تۇقىم قورى ءجۇز پروتسەنت جەتكىلىكتى. بۇگىنگى كۇنى تالداۋدى اككرەديتتەلگەن زەرتحانالار جۇرگىزەدى. «ەسىل» الەۋمەتتىك-كاسىپكەرىك كورپوراتسياسى تاراپىنان كەپىلدىك ارقىلى كوكتەمگى ەگىس جۇمىستارىن نەسيەلەندىرۋ ماسەلەسى پىسىقتالۋدا. الدىن-الا مالىمەتتەر بويىنشا, كەپىلدىك ارقىلى ءداندى-داقىلدار سىڭىرۋگە شامامەن 5 ميلليارد تەڭگە بولىنگەن. ەگىستىك القاپتارىنا مىڭ ەكى جۇزدەن استام ەگىستىك كەشەنى, 16 مىڭ تۇقىم سەبەتىن تەحنيكا شىعادى. تەحنيكالىق پاركتىڭ دايىندىعى 90 پروتسەنت دەڭگەيىندە. ديزەل وتىنىن كەستە بويىنشا جەتكىزۋ جوسپارلانعان.

   – 15 ساۋىردە اككرەديتتەلگەن زەرتحانالاردا تۇقىمداردى تەكسەرۋگە قاتىستى جۇمىستاردى اياقتاۋ قاجەت. 10 ساۋىرگە دەيىن بارلىق ءدان سىڭىرەتىن  تەحنيكالاردى جوندەۋ جۇمىستارىن ءبىتىرۋ قاجەت. مەملەكەتتىك قولداۋ باعدارلامالارى بويىنشا بيۋدجەت قاراجاتىن ۋاقىتىلى يگەرۋ مىندەتتەلەدى,–دەيدى وبلىس اكىمى ەرمەك مارجىقپاەۆ.

وڭىردە وسىمدىك شارۋاشىلىعى سالاسىن دامىتۋعا مەملەكەت 12 ميلليارد تەڭگە كولەمىندە سۋبسيديا ءبولدى. ەرمەك مارجىقپاەۆ ەگىستىك القاپتاردى قىسقارتىپ جاتقان ءۇش اۋداننىڭ باسشىلارىنا سىن ايتتى. سونىمەن قاتار, استىق شارۋاشىلىعىنىڭ عىلىمي-وندىرىستىك ورتالىعىمەن تىعىز بايلانىستا جۇمىس ىستەۋگە كەڭەس بەردى. كەي اۋداندار تۇقىم ماسەلەسىن ءالى شەشپەگەن. ال جانارمايدى ارزانداتىلعان باعامەن ساتىپ الۋعا مۇمكىندىك بار.