بۇگىن قوستاناي اۋەجايىنا «شارم-ەل-شەيح – قوستاناي» باعىتىنداعى ۇشاق كەلىپ قوندى. اۋە جولاۋشىلارىن پوليتسيا قىزمەتكەرلەرى مەن ەپيدەميولوگ دارىگەر ماماندار قارسى الدى.
بورتتا بارلىعى 237 جولاۋشى جانە 7 ەكيپاج مۇشەسى بار. ونىڭ 152-ءسى رەسەي فەدەراتسياسىنىڭ ازاماتتارى. سونداي-اق 1 ۋكراين ازاماتى بار. قالعانى – قازاقستاندىقتار. مەديتسينالىق تەكسەرىستەن وتكەن سوڭ, پوليتسيا شەتەلدىك ازاماتتاردى رەسەي شەكاراسىنا دەيىن شىعارىپ سالدى.
مامانداردىڭ ايتۋىنشا, بارلىق جولاۋشىنىڭ جاعدايى - قاناعاتتانارلىق. قوستاناي وبلىسىنىڭ تاۋارلار جانە كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى ءباسپاسوز-قىزمەتىنىڭ مالىمەتىنشە, قازىر وبلىستا 39 ادام اۋرۋحانادا, 24 ادام كارانتيندە جاتىر. ىندەت جۇقتىرعاندار تىركەلگەن جوق.
قوستاناي