قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياسىنىڭ 2020 جىلعى 17 ناۋرىزداعى № 2 شەشىمى بويىنشا وبلىستاردىڭ, نۇر-سۇلتان, الماتى جانە شىمكەنت قالالارىنىڭ اكىمدىكتەرى قۇزىرەتتەرىنە سايكەس 2020 جىلعى 22 ناۋرىز كۇنى ساعات 00:00 باستاپ اۆتوموبيل كولىگىنىڭ بارلىق تۇرىمەن جولاۋشىلار تاسىمالداۋدى توقتاتۋدى قامتاماسىز ەتۋى ءتيىس. ال جولاۋشىلاردى ترانزيتتىك تاسىمالداۋ نۇر-سۇلتان جانە الماتى قالالارى اۋماعىنا كىرمەي جۇزەگە اسىرىلادى, دەپ حابارلادى يدم ءباسپاسوز قىزمەتى.
2020 جىلعى 22 ناۋرىز كۇنى ساعات 00:00 باستاپ نۇر-سۇلتان جانە الماتى قالالارىنا/قالالارىنان اۆتوموبيل كولىگىمەن جولاۋشىلار تاسىمالداۋ توقتاتىلادى.
ەسكە سالا كەتەيىك, قازاقستان رەسپۋبليكاسىنىڭ پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسياسىنىڭ 2020 جىلعى 16 ناۋرىزداعى شەشىمىنە سايكەس رەسەي, قىرعىزستان, وزبەكستان جانە موڭعوليامەن ارادا اۆتوموبيل كولىگىنىڭ بارلىق تۇرىمەن ەكىجاقتى جولاۋشى جانە جۇك تاسىمالداۋ, سونداي-اق, قازاقستان رەسپۋبليكاسىنىڭ اۋماعى بويىنشا ترانزيتتىك جولاۋشىلار تاسىمالداۋ توقتاتىلدى.
بۇل تىيىم حالىقارالىق قاتىناستاعى جۇك اۆتوكولىك قۇرالدارىمەن جۇك تاسىمالداۋعا تارالمايدى.