*ەلىمىزدىڭ ەگىن القاپتارىندا بيىلعى استىقتىڭ ۇشتەن ءبىرى جينالدى. وبلىستىق اۋىل شارۋاشىلىعى باسقارمالارىنىڭ 22 تامىزداعى دەرەكتەرى بويىنشا, ەگىنشىلەر 916,3 مىڭ گا. ءداندى داقىلدى القاپتى ورىپ باستىرعان. بۇدان 1411,7 مىڭ توننا استىق الىنىپ, ورتاشا ونىمدىلىك گەكتارىنا 15,4 تسەنتنەردى قۇراپ وتىر.
*ەلىمىزدىڭ ەگىن القاپتارىندا بيىلعى استىقتىڭ ۇشتەن ءبىرى جينالدى. وبلىستىق اۋىل شارۋاشىلىعى باسقارمالارىنىڭ 22 تامىزداعى دەرەكتەرى بويىنشا, ەگىنشىلەر 916,3 مىڭ گا. ءداندى داقىلدى القاپتى ورىپ باستىرعان. بۇدان 1411,7 مىڭ توننا استىق الىنىپ, ورتاشا ونىمدىلىك گەكتارىنا 15,4 تسەنتنەردى قۇراپ وتىر.
* قاراعاندىدا شاحتەر كۇنى قارساڭىندا «ۇزدىك كوركەيتۋشى بيزنەس-نىسان» كونكۋرسىنىڭ قورىتىندىسى شىعارىلادى. وعان قاتىسۋشى 14 ۇمىتكەر كەنشىلەر قالاسىن كورىكتەندىرۋگە ەرەكشە ۇلەس قوسىپ جۇرگەن كومپانيالار اراسىنان ىرىكتەلىپ الىندى.
* تاياۋ ارالىقتا وڭتۇستىك قازاقستان وبلىسىنىڭ وتىرار اۋدانىندا كۇن باتارەيالارى شىعارىلا باستايدى. شىمكەنتتە وتكەن ينۆەستيتسيالىق كورمەدە ونى ساتىپ الۋعا نيەتتىلەر كوپ بولدى. ال ماماندار 4 جىلعا ارنالعان 20 مەگاۆاتتىق جوبانىڭ وسى ارالىقتا ءوزىن ءوزى تولىق اقتايتىنىنا سەنىمدى.
* شىعىس قازاقستانداعى شەمونايحا اۋدانىندا سوڭعى 30 جىلدا ءبىرىنشى مارتە 30 پاتەرلى ءۇي سالىنىپ, پايدالانۋعا بەرىلگەلى تۇر. مۇندا بۇدان باسقا, العاش رەت قازاق تىلىندەگى 320 ورىندىق مەكتەپ پەن 100 ورىندىق ينتەرنات بوي تۇزەيتىن بولادى. اۋداننىڭ قۇرىلىس سالاسىنداعى وسىنداي زور ورلەۋگە سۇيسىنگەن وبلىس اكىمى بەردىبەك ساپارباەۆ «ايماقتاعى بارلىق اۋىلدار مەن اۋدانداردىڭ وسىلايشا جۇمىس ىستەۋلەرى كەرەك» ەكەنىن اتاپ ءوتتى.
* بيىل 195 جىلدىعىن تويلايتىن قىزىلوردا قالاسىندا سول مەرزىمگە دەيىن 23 ويىن-سپورت الاڭى قاتارعا قوسىلادى. شاھار باسشىسى نۇرلىبەك نالىباەۆ وبلىس ورتالىعىندا تاياۋدا عانا 42 اۋلا مەن 27 اللەيانىڭ اباتتاندىرۋ ۇدەرىسىنەن وتكەنىن ءمالىمدەدى.
*الماتىدا №162 مەكتەپ-گيمنازيانىڭ ديرەكتورى پارا الۋ ۇستىندە قولعا ءتۇستى. ءبىلىم وشاعىن 5 جىل باسقارعان باس پەداگوگ بالاسى مەن نەمەرەسىن وسىنداعى 1-سىنىپقا بەرگىسى كەلگەن اتا-انادان 400 دوللار تالاپ ەتكەن ەكەن.
* جامبىل وبلىسىندا سوڭعى 20 جىلدا ءبىرىنشى رەت سەكسەۋىل وتاعاندار سوتتالدى. مويىنقۇم اۋدانىنىڭ 3 تۇرعىنى وسى ءۇشىن 1 جىلعا باس بوستاندىقتارىنان ايىرىلدى, سوت شەشىمىمەن ولاردان كاماز, ۋاز ماشينالارى مەن «ۋرال» موتوتسيكلى, سونداي-اق, 9,2 تەكشە مەتر سەكسەۋىل تاركىلەنىپ الىندى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.