كوروناۆيرۋس پاندەمياسىنىڭ تارالۋىنا بايلانىستى ەل اۋماعىندا ەنگىزىلگەن تج رەجىمى بويىنشا وبلىستاعى ويىن-ساۋىق, ءدامحانا مەكەمەلەرىنىڭ بارلىعى كەشكى 22.00-گە دەيىن جۇمىسىن توقتاتىپ, ەسىكتەرىن ق ۇلىپتاۋى كەرەك. تارتىپكە باعىنداعاندار زاڭمەن جازالاناتىنى الدىن-الا ەسكەرتىلگەن. الايدا ەلدەگى اھۋالعا سالعىرت قاراپ, تالاپقا قۇلاق اسپايتىندار بار.
ماسەلەن, كەشە تج رەجىمىنىڭ ساقتالۋىن قاداعالاپ جۇرگەن ءتارتىپ ساقشىلارى كەنشىلەر قالاسىنداعى «قۋانىش» كافەسىنىڭ بەلگىلەنگەن شەكتەن تىس ۋاقىتتا جۇمىس ىستەپ جاتقانىن انىقتاعان. كافەدە ساعات 22.00-دەن كەيىن 20-دان استام ادام بولعان.
قازىر 31 جاستاعى كافە يەسى قر اقبتك-ءنىڭ 476-بابى بويىنشا اكىمشىلىك جاۋاپكەرشىلىككە تارتىلدى. باپ سانكتسياسى 10 اەك مولشەرىندە اكىمشىلىك ايىپپۇل نەمەسە 15 تاۋلىك مەرزىمگە قاماۋعا الۋدى كوزدەيدى, - دەپ حابارلادى رۋدنىي قالالىق ءىىب-ءنىڭ ءباسپاسوز قىزمەتى.
قوستاناي وبلىسى