وتانىنا قاشقاندار قىتايعا كوروناۆيرۋستى قايتا اكەلىپ جاتىر

ماسەلەن,18 ناۋرىزدا تۇنگى 24:00-گە دەيىن بەيجىڭگە باسقا ەلدەردەن ۇشىپ كەلگەن 21 ادامنان ۆيرۋس تابىلعان. پاندەميا جايلاپ بارا جاتقان ەۋروپاعا قاراعاندا, قىتايدى قاۋىپسىز دەپ ەسەپتەگەن ادامدار ءوز مەملەكەتىن وسىنداي جاعدايعا قايتا دۋشار ەتىپ وتىر.

وسى اقپاراتتاردىڭ انىق-قانىعىن ءبىلىپ بەرۋدى سۇراعانىمىزدا, قىتاي حالىق رەسپۋبليكاسىنىڭ الماتىداعى باس كونسۋلدىعى تومەندەگىدەي مالىمەتتەرمەن ءبولىستى.

كونسۋلدىق قىزمەتكەرلەرى بەرگەن اقپاراتتارعا سۇيەنسەك, كەشە 17 ناۋرىزدا بار بولعانى 13 ادامدا ۆيرۋس بار ەكەندىگى انىقتالعان-دى. ونىڭ ىشىندە 1 ناۋقاس ۋحان قالاسىندا بولسا, قالعان 12 ادام بەيجىڭ, گۋاندۋن, شانحاي, سىچۋانعا باسقا مەملەكەتتەردەن ۇشىن كەلگەن قىتاي ازاماتتارى.

قىتايداعى بۇگىنگى, ياعني 19 ناۋرىزداعى ناقتى جاعداي تۇنگى 24:00 كەزىندە جاريا بولادى.

ال, كەشە 18 ناۋرىزدا قىتايدا جاڭادان ۆيرۋس جۇقتىرعاندار سانى 34 ادام بولدى. بەيجىڭدە ءبىر كۇندە باسقا مەملەكەتتەردەن قىتايعا ورالعان 21 ادامنان, گۋاندۋندە 9, شانحايدا 2, حەيلۋنتسزياندا 1,  چجەتسزياندا 1 ادامنان كوروناۆيرۋس تابىلدى.

سوڭعى كۇندەرگە دەيىن بۇل مەملەكەتتە جاڭادان اۋرۋ جۇقتىرعاندار سانى 13-20 عانا بولىپ كەلگەن ەدى.

الماتى