وبلىستىق تۇراقتاندىرۋ قورىنىڭ ماقساتى جانە حالىقتى ازىق-ت ۇلىك ونىمدەرىمەن قامتاماسىز ەتۋ شارالارى تۋرالى «ەسىل» الەۋمەتتىك-كاسىپكەرلىك كورپوراتسياسى ۇك» اكتسيونەرلىك قوعامى باسقارماسىنىڭ توراعاسى ەربول جاقسىلىقوۆتى اڭگىمەگە تارتقان ەدىك.
– كوكشەتاۋدا كوتەرمە ساۋدا نارىعىمەن اينالىساتىن بىرقاتار كومپانيالار بار. ولار بولشەك ساۋدا اينالىمىنا ازىق–ت ۇلىك تاۋارلارىن قاجەتتى مولشەردە جەتكىزىپ بەرە الادى. بۇل ورايدا, «Small» دۇكەندەر جەلىسىنىڭ عانا جەكە قامتاماسىز ەتۋشى ارىپتەسى بارلىعىن, قالعان ساۋدا نۇكتەلەرىنىڭ بارلىعى جوعارىدا اتالعان كومپانيالاردىڭ قىزمەتىن پايدالاناتىنىن ايتۋىمىز كەرەك. ەلىمىزدە قازىرگىدەي توتەنشە جاعداي ەنگىزىلگەن كەزەڭدە «ەسىل» الەۋمەتتىك-كاسىپكەرلىك كورپوراتسياسىنىڭ كوتەرمە ساۋدا ۇيىمدارى جەتكىزەتىن تاۋارلاردىڭ كولەمىنە كۇندەلىكتى مونيتورينگ جۇرگىزىلىپ وتىرادى.
كوكشەتاۋ دۇكەندەرىندە ازىق-ت ۇلىكتىڭ بارلىعى بار, ياعني, ۇن, ماكارون ونىمدەرى, جارما, ءسۇت جانە ءسۇت ونىمدەرى, ەت جەتكىلىكتى جەتكىلىكتى مولشەردە قامتاماسىز ەتىلگەن. وسى رەتتە, ازىقتىق ونىمدەردىڭ كوپشىلىگى – تاۋىق ەتى, تاۋىق جۇمىرتقاسى, قارا مال ەتى, شۇجىق ونىمدەرى, ءسۇت تاعامدارى, تاعى باسقالارى ءوزىمىزدىڭ اقمولا وبلىسىندا وندىرىلەتىندىگىنە نازار اۋدارعىم كەلەدى. سونداي-اق, وزگە وڭىرلەردىڭ ازىق-ت ۇلىك ونىمدەرىن وندىرۋشىلەرى دە ءبىزدىڭ قالامىزدا ساۋدا جاساۋعا مۇددەلى. ولار جەرگىلىكتى نارىقتى تولىقتىرادى جانە بۇل ىسكە ەشكىم كەدەرگى جاسامايدى.
ازىق-ت ۇلىك ەمەس تاۋارلار توبى (ماسەلەن, جەكە گيگيەنالىق زاتتار, تۇرمىستىق حيميا, تەحنيكا, ت.ب.) وڭىرگە سىرتتان اكەلىنەدى. بىراق, ءوندىرۋشى كومپانيالارمەن جاسالعان كەلىسىم-شارت تالاپتارىنا سايكەس بۇل ونىمدەر قاتاڭ باقىلاۋدا بولادى. باسقاشا ايتقاندا, شەكارانىڭ جابىلۋىنا بايلانىستى تاۋارلار سىرتتان الىپ كەلىنبەيدى دەپ الاڭداۋعا نەگىز جوق.
اقمولا وبلىسىنىڭ تۇراقتاندىرۋ قورى تۋرالى ارنايى ايتقىم كەلەدى. بۇل – نەگىزگى ازىق-ت ۇلىك ونىمدەرى (استىقتان باسقا) باعالارىنىڭ ماۋسىمدىق اۋىتقۋىن شەكتەيتىن قۇرال.
الەۋمەتتىك ماڭىزداعى ازىق-ت ۇلىك تاۋارلارى باعاسىن تۇراقتاندىرۋدى قامتاماسىز ەتۋ جونىندەگى كوميسسيانىڭ ۇسىنىستارى نەگىزىندە اقمولا وبلىسى اكىمدىگىنىڭ قاۋلىسىمەن سىرتتان ساتىپ الىناتىن تاۋارلاردىڭ تىزبەسى جانە بۇلاردىڭ باعاسىنا قوسىمشانىڭ شەكتى كولەمى بەكىتىلگەن. ونىمدەر تومەندەتىلگەن باعامەن ساتىپ الىنادى جانە بۇلاردىڭ باعاسى وسۋىمەن ىشكى نارىققا جەتكىزىلەدى. ۇلتتىق ۆاليۋتانىڭ ەركىن اينالىمعا شىعارىلۋىنا بايلانىستى باعانى جۇمسارتۋ شارالارى ايرىقشا سۇرانىسقا يە بولۋدا. تۇراقتاندىرۋ قورىن تولىقتىرۋ قارجىسى وبلىستىق بيۋدجەتتەن بولىنەدى.
كوكشەتاۋلىقتار تۇراقتاندىرۋ قورىنىڭ ونىمدەرىن «ەسىل» الەۋمەتتىك كاسىپكەرلىك كورپوراتسياسىنىڭ ورتالىق بازارداعى «قامقور» پاۆيلونىنان ساتىپ الۋىنا بولادى. تۇتىنۋشىلارعا قاراقۇمىق جارماسى 267 تەڭگەدەن, كۇرىش 280 تەڭگەدەن ۇسىنىلادى. ال, «گرومولزاۆود» جاۋاپكەرشىلىگى شەكتەۋلى سەرىكتەستىگى سارى مايىنىڭ كەلىسى 2400 تەڭگەدەن, اتباسار اۋدانىنداعى «سوچينسكوە» كۇنباعىس مايىنىڭ 5 ءليترى 1900 تەڭگەدەن بوساتىلادى. پاۆيلوندا, سونداي-اق ءبىرىنشى سۇرىپتى ۇننىڭ كەلىسى 110 تەڭگەدەن بوساتىلادى. ونى ءوندىرۋشى «Atbasar Grain» جاۋاپكەرشىلىگى شەكتەۋلى سەرىكتەستىگى.
وسىناۋ كەڭ اۋقىمدى جۇمىستاردى ۇيلەستىرۋدە «ەسىل» الەۋمەتتىك-كاسىپكەرلىك كورپوراتسياسى ءوز مىندەتىن جوعارى دەڭگەيدە اتقارادى دەپ سەندىرە الامىن. دەمەك, تۇرعىنداردىڭ الاڭداۋىنا نەگىز جوق.