بۇگىن الماتى قالاسى اكىمىنىڭ ورىنباسارى ەرجان باباقۇماروۆتىڭ توراعالىعىمەن كوروناۆيرۋستىق ينفەكتسيانىڭ تارالۋىنا قارسى ارەكەت ەتۋ جونىندەگى وڭىرلىك شتاب مۇشەلەرى قالالىق قۇرىلىمداردىڭ كوروناۆيرۋستىق ينفەكتسيانى جۇقتىرۋ وشاعى ايماعىنداعى ءىس-قيمىل الگوريتىمىنىڭ ورىندالۋ دايىندىعىن تەكسەردى.
الماتى قالاسىنىڭ سىرتقى پەريمەترى بويىنشا 27 بلوك-بەكەت قويىلادى. سونىمەن قاتار جۇقتىرۋ وشاعىنىڭ ايماقتارى انىقتالىپ,
سول جەردە دەزينفەكتسيا مەن سانيتارلىق-ەپيدەميولوگيالىق باقىلاۋ شارالارى جۇرگىزىلۋدە.
«قالادا كوروناۆيرۋستى جۇقتىرۋ وشاقتارى بار. باستى مىندەت –جۇقتىرۋ تىزبەگىن بۇزۋ, كارانتين رەجيمىن ساقتاۋ, قالادا ۆيرۋستىڭ تارالۋىنا جول بەرمەۋ جانە ونى باسقا وڭىرلەرگە ەكسپورتتاۋعا شەكتەۋ قويۋ», – دەپ اتاپ ءوتتى اكىمنىڭ ورىنباسارى ەرجان باباقۇماروۆ.
جۇقتىرۋ وشاقتارىن وقشاۋلاۋ قۇقىق قورعاۋ ورگاندارىنىڭ, سانيتارلىق-ەپيدەميولوگيالىق قىزمەتتىڭ, مەديتسينالىق ۇيىمداردىڭ, اۋدان اكىمدىكتەرىنىڭ جانە پيك كۇشىمەن بىرلەسىپ جۇرگىزىلەتىن بولادى. كارانتين كەزىندە وشاق تۇرعىندارىنا 14 كۇننەن كەم ەمەس ءوزىن-ءوزى وقشاۋلاۋ قاجەت. جۇقتىرۋ وشاعىنىڭ ايماقتارىندا باقىلاۋ-وتكىزۋ پۋنكتتەرى ورناتىلادى. كارانتيندىك ايماقتىڭ ىشىندە قوزعالىستى شەكتەۋ كوزدەلگەن.
مەديتسينا قىزمەتكەرلەرى وشاق ايماعىندا تۇراتىن ادامداردىڭ دەنساۋلىعى بويىنشا مونيتورينگ جۇرگىزەتىن بولادى.
وشاق ايماعىندا دۇكەندەر مەن ءدارىحانالاردىڭ جۇمىسى, سونداي-اق كارانتيندەگى پاتەر/ۇيلەرگە قىزمەت كورسەتەتىن بەكىتىلگەن الەۋمەتتىك قىزمەتكەرلەر دە (ازىق-ت ۇلىك, ءدارى-دارمەك جانە ءبىرىنشى كەزەكتە قاجەتتى زاتتاردى جەتكىزۋ, كوممۋنالدىق قىزمەتتەردى تولەۋ, كرەديتتەر جانە ت.ب.) كومەككە كەلمەك. قاجەتتىلىگىنە قاراي مەديتسينالىق جانە قاجەت بولعان جاعدايدا اپاتتىق قىزمەت جۇيەسىمەن دە قامتاماسىز ەتىلەدى.
سونىمەن قاتار, اۋداندىق اكىمدىكتەر حالىقتىڭ الەۋمەتتىك وسال توپتارىنا كىرەتىن تۇلعالارعا كومەك كورسەتەدى.
اۋدان اكىمدىكتەرىنە سونداي-اق وشاقتىڭ ايماعىندا تۇراتىن قالا تۇرعىندارىنىڭ اراسىندا كوروناۆيرۋستىق ينفەكتسيا قوزدىرعىشى جانە سوعان قارسى جۇرگىزىلەتىن شارالار تۋرالى ءتۇسىندىرۋ جۇمىستارىن جۇرگىزۋ تاپسىرىلدى. ول ءۇشىن اۋداندىق اكىمدىكتەردىڭ وكىلدەرى پيك-پەن, الەۋمەتتىك قىزمەتكەرلەرمەن بىرلەسىپ اۋماقتى ارالاپ شىعادى.
سونىمەن قاتار, كوروناۆيرۋستىق ينفەكتسيانى باقىلاۋدىڭ كۇردەلىلىگىن ەسكەرە وتىرىپ, COVID-2019 وشاقتارى ايماعىنىڭ تۇرعىندارىنا الماتى قالاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا سايكەس ءوزىن-ءوزى وقشاۋلاۋ رەجيمىن ساقتاۋ قاجەت.
كوروناۆيرۋستىك ينفەكتسيانى جۇقتىرعان ناۋقاستارمەن بايلانىستا بولعان ازاماتتار
وتباسىندا, جۇمىس (وقۋ ورنى) بويىنشا سوVID-2019 جۇقتىرعان اۋرۋلارمەن سوڭعى بايلانىستا بولعان ساتتەن باستاپ ينكۋباتسيالىق كەزەڭ مەرزىمىنە (14 كۇن) ءوزىن-ءوزى وقشاۋلاۋدىڭ قاتاڭ رەجيمىن ساقتاۋ قاجەت. (كوشەگە شىقپاي, ءۇي كارانتينىندە بولۋ);
وتباسىنىڭ بارلىق مۇشەلەرىنىڭ دەنساۋلىعىنا باقىلاۋ جۇرگىزۋ;
جرۆي بەلگىلەرى (تۇماۋ, دەنە قىزۋىنىڭ كوتەرىلۋى, جوتەل) پايدا بولعان جاعدايدا جەدەل جاردەم بريگاداسىن ۇيگە شاقىرۋ كەرەك.
الماتى قالاسىنىڭ تۇرعىندارى مىندەتتى تۇردە:
قازاقستان رەسپۋبليكاسى پرەزيدەنتىنىڭ جارلىعىنا سايكەس جانە الماتى قالاسى اكىمىنىڭ قاۋلىسى بويىنشا توتەنشە جاعداي رەجيمىن قاتاڭ ساقتاۋ;
قاجەتتىلىك تۋىنداماسا, كوشەلەرگە شىقپاۋ جانە قوعامدىق كولىككە وتىرماۋ;
ءوز دەنساۋلىعى مەن وتباسى مۇشەلەرىنىڭ جاعدايىن باقىلاۋ;
جرۆي بەلگىلەرى (تۇماۋ, دەنە قىزۋى, جوتەل) پايدا بولعان جاعدايدا جەدەل جاردەم بريگاداسىن (ۋچاسكەلىك دارىگەردى) ۇيگە شاقىرۋ;
تاماق ونىمدەرى مەن دارىلىك زاتتاردى ساتىپ الۋ ءۇشىن تەك اۋدان اكىمدىكتەرى بەلگىلەگەن ساۋدا نۇكتەلەرى مەن دارىحانالارعا بارۋ كەرەك.
بۇعان دەيىن پرەزيدەنت جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ شەشىمىمەن الماتى قالاسىنىڭ اۋماعىندا الماتى قالاسىندا قوسىمشا شەكتەۋ, ىندەتتىڭ الدىن الۋ جانە ەپيدەمياعا قارسى شارالار ەنگىزىلدى. 2020 جىلدىڭ 19 ناۋرىزىندا ساعات 00.00-دەن باستاپ الماتىدا ەپيدەمياعا قارسى اۋقىمدى سانيتارلىق ءىس-شارالاردى جۇزەگە اسىرۋ ارقىلى كارانتين ەنگىزىلەدى.