وسى جىلدىڭ 10-13 ناۋرىزى ارالىعىندا وبلىس كولەمىندە «دوپينگ» ارنايى وپەراتسياسىنىڭ ءبىرىنشى كەزەڭى وتكىزىلدى. بۇل تۋرالى وبلىستىق پوليتسيا دەپارتامەنتىنىڭ ءباسپاسوز قىزمەتى حابارلادى.
ەسىرتكىنىڭ زاڭدى اينالىمىن انىقتاۋعا باعىتتالعان شارا بارىسىندا دەپارتامەنتتىڭ ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ەسىرتكى قۇرالدارىنىڭ, پسيحوتروپتى زاتتاردىڭ جانە پرەكۋرسورلاردىڭ زاڭدى اينالىمى سالاسىنداعى قىزمەتتى جۇزەگە اسىراتىن ءدارىحانالار مەن قويمالارعا تەكسەرۋ جۇرگىزدى. ونىڭ بارىسىندا 3 كۇندە 28 قۇقىق بۇزۋشىلىق انىقتالدى.
«دوپينگ» شەڭبەرىندە وبلىس اۋماعىندا ورنالاسقان 7 ءدارىحانا تەكسەرىلىپ, 22 دانا تابلەتكا تاركىلەندى.