نۇر-سۇلتان جانە الماتى قالالارىندا كىمدەرگە كىرۋگە نەمەسە شىعۋعا شەكتەۋ ەنگىزىلمەيدى؟

19 ناۋرىز كۇنى ساعات 00.00-دەن باستاپ ەنگىزىلەتىن نۇر-سۇلتان جانە الماتى قالالارىنىڭ اۋماعىنا ادامداردىڭ كىرۋىنە نەمەسە شىعۋىنا كەلەسى ساناتتاعى تۇلعالار ءۇشىن قولدانىلمايدى:

بۇعان دەيىن قالادان شىعىپ كەتكەن نۇر-سۇلتان جانە الماتى قالالارىنىڭ تۇرعىندارى قالاعا ورالعان جاعدايدا;

بۇعان دەيىن قالاعا كىرگەن باسقا وڭىرلەردىڭ تۇرعىندارى قالادان شىعاتىن بولسا;

بۇعان دەيىن شەتەلدەرگە شىعىپ كەتكەن قازاقستان رەسپۋبليكاسىنىڭ ازاماتتارى (ولار قازاقستان رەسپۋبليكاسىنا ورالعان جاعدايدا);

بۇعان دەيىن ەلدەن شىعۋ ءۇشىن قازاقستان رەسپۋبليكاسىنىڭ اۋماعىنا كىرگەن جانە ەلدەن شىعىپ كەتۋ ماقساتىندا اۋە كولىگىمەن شىعاتىن شەتەلدىكتەرگە;

شەتەلدىكتەر (ازاماتتىعى جوق تۇلعالار), قازاقستان رەسپۋبليكاسىندا تۇرۋعا ىقتيارحاتى بار تۇلعالارعا;

بۇعان دەيىن شەتەل مەملەكەتىنىڭ اۋماعىنا شىعىپ كەتكەن قازاقستان رەسپۋبليكاسىنىڭ ازاماتتارى قازاقستان رەسپۋبليكاسىنا ورالعان جاعدايدا;

ەمدەلۋ ءۇشىن شەتەلگە شىعاتىن قازاقستان رەسپۋبليكاسىنىڭ ازاماتتارىنا, ولاردىڭ دەنساۋلىق ساقتاۋ مەكەمەلەرىنىڭ راستاۋشى قۇجاتتارى بولعان جاعدايدا;

ەلدىڭ جانە شەتەل مەملەكەتتەرىنىڭ ديپلوماتيالىق قىزمەتىنىڭ پەرسونالى جانە ولاردىڭ وتباسى مۇشەلەرىنە, سونداي-اق قازاقستانعا قازاقستان رەسپۋبليكاسىنىڭ سىرتقى ىستەر مينيسترلىگىنىڭ شاقىرۋى بويىنشا باعىت العان شەتەل مەملەكەتتەرىنىڭ جانە حالىقارالىق ۇيىمداردىڭ دەلەگاتسيا مۇشەلەرىنە;

پويىز جانە لوكوماتيۆ بريگادالارىنىڭ مۇشەلەرىنە, سونداي-اق تەمىرجول تاسىمالى پروتسەسىنە قاتىساتىن تۇلعالارعا, اۋە, تەڭىز كولىكتەرىنىڭ ەكيپاجىنا, حالىقارالىق جۇك تاسىمالىن جۇزەگە اسىراتىن جۇك اۆتوكولىگى قۇرالدارىنىڭ جۇرگىزۋشىلەرىنە;

قازاقستان رەسپۋبليكاسى ازاماتتارىنىڭ وتباسى مۇشەلەرى بولىپ سانالاتىن شەتەلدىكتەرگە (تۋىستىق بايلانىس فاكتىسى - ەرى (زايىبى), ولاردىڭ اتا-انالارى مەن بالالارى ەكەنى راستالعان جاعدايدا);

نۇر-سۇلتان جانە الماتى قالالارىندا جۇمىس ىستەيتىن, قالا ماڭى اۋماقتارىندا تۇراتىن تۇرعىندارعا;

باسقا دا ەرەكشە جاعدايلاردا, مۇنداي جاعدايلار COVID-19-بەن كۇرەسۋ جونىندەگى قالالىق شتابتاردا دەربەس تارتىپتە قارالادى.