تۇركىستان وبلىسىندا كوروناۆيرۋسقا بايلانىستى ءجۇرىپ جاتقان وقۋ-جاتتىعۋ جۇمىستارىن ۇيالى تەلەفونعا ءتۇسىرىپ, سول وڭىرلەردە وبا تاراپ جاتىر دەگەن ماعىنادا بەينەماتەريالداردى الەۋمەتتىك جەلىلەردە تاراتقاندارعا قاتىستى تەرگەۋ امالدارى جۇرگىزىلۋدە.
وڭىرلىك كوممۋنيكاتسيالار قىزمەتىندە وتكەن بريفينگتە تۇركىستان وبلىسى پوليتسيا دەپارتامەنتىنىڭ ءبىرىنشى ورىنباسارى ابدىعاني سەيدۋاليەۆ حابارلاعانداي, كورىنەۋ, جالعان اقپارات تاراتقان ازاماتتار قىلمىستىق كودەكس بويىنشا جاۋاپكەرشىلىككە تارتىلادى. «قازىر وبلىستا 3 ازاماتتىڭ ۇستىنەن تەرگەۋ جۇمىستارى جۇرۋدە. قر قىلمىستىق كودەكسىنىڭ 274-ءشى بابى «كورىنەۋ جالعان اقپارات تاراتۋ» دەپ اتالادى جانە ونىڭ سانكتسياسىندا 10 جىلعا دەيىن باس بوستاندىعىنان ايىرۋ جازاسى كورسەتىلگەن», دەدى ابدىعاني تويشى ۇلى. سونىمەن قاتار, پوليتسيا پولكوۆنيگى ءتيىستى ورىنداردان الىنعان رەسمي اقپاراتتاردى جەتەكشىلىككە الۋ, ەلدى دۇرلىكتىرەتىن جالعان اقپارات تاراتپاۋ قاجەتتىگىن ەسكەرتتى.