سيەتلدەگى Kaiser Permanente Washington Research Institute زەرتتەۋ ورتالىعىنىڭ عالىمدارى جۇرگىزگەن سىناققا 45 ەرىكتى قاتىستى. ولاردىڭ ارقايسىسىنا ۆاكتسينا ەكى رەتتەن سالىناتىن بولادى. پرەپاراتتى قابىلداۋ ارالىعى 12-18 اي. پرەپاراتتىڭ قاۋىپسىزدىگى مەن تيىمدىلىگىن انىقتاۋ ءۇشىن بىرقاتار زەرتتەۋ جانە سىناق شارالارى ءجۇرۋى قاجەت, دەلىنگەن Associated Press مالىمەتتەرىندە. ساراپشىلاردىڭ پىكىرىنشە, ۆاكتسينانى ءبىر جارىم جىلدان كەيىن عانا پايدالانۋ مۇمكىن.
اقش-تىڭ دەنساۋلىق ينستيتۋتى مەن Moderna Inc بيوتەحنولوگيالار كومپانياسى دايىنداعان ۆاكتسينانىڭ كودتىق اتاۋى - mRNA-1273. كەلەسى ايدان باستاپ Inovio Pharmaceuticals كومپانياسى تاعى ءبىر ۆاكتسينانى سىناقتان وتكىزبەكشى.
بۇگىندە كوروناۆيرۋستىڭ جاڭا تۇرىنە قارسى رەسەيدە دە ۆاكتسينا ازىرلەنۋدە. سانكت-پەتەربور فمبا عىلىمي-زەرتتەۋ ينستيتۋتى مالىمەتتەرىندە وسى ايدىڭ باستاپقى كەزىندە بارلىق جاستاعى ادامداردى قورعاۋعا ارنالعان ۆاكتسينا ازىرلەنىپ جاتقاندىعى ايتىلعان بولاتىن.
الماتى