قوستاناي وبلىسى اكىمدىگىندە وتكەن كەڭەيتىلگەن وتىرىستا ءوڭىردىڭ ازىق-ت ۇلىك قاۋىپسىزدىگى مەن باعانى تۇراقتاندىرۋ شاراسى تالقىلاندى.
اۋىل شارۋاشىلىعى باسقارماسىنىڭ باسشىسى جانسۇلتان تاۋكەنوۆتىڭ ايتۋىنشا, وبلىستاعى ساۋدا ورىندارىندا جالپى كولەمى 64 مىڭ تونناداي ازىق-ت ۇلىك بار. بۇدان وزگە وڭىرلىك تۇراقتاندىرۋ قورىندا 9,1 مىڭ توننا ازىق-ت ۇلىك ساقتاۋلى. الەۋمەتتىك ماڭىزى جوعارى 19 ازىق-ت ۇلىك ءتۇرىنىڭ ەكەۋى عانا وبلىسقا سىرتتان اكەلىنەدى. قانت پەن تاۋىق جۇمىرتقاسىنان وزگە ازىق-ت ۇلىكتىڭ بارلىعى جەرگىلىكتى كاسىپورىنداردا وندىرىلەدى.
وبلىس اكىمى ارحيمەد مۇحامبەتوۆ ءتيىستى سالا باسشىلارىنا ۋاقىتشا جاعدايدى پايدالانىپ, ازىق-ت ۇلىك باعاسىن نەگىزسىز كوتەرىپ جىبەرگەن كاسىپورىندار مەن ساۋدا ورتالىقتارىنا قاتىستى قاتاڭ شارا قولدانۋدى قاداپ تاپسىردى.
باسەكەلەستىكتى قورعاۋ جانە دامىتۋ جونىندەگى دەپارتامەنت باسشىسىنىڭ ايتۋىنشا, قازىر وبلىستا قاراقۇمىق پەن ەت باعاسىن نەگىزسىز كوتەرگەن ەكى كاسىپكەرگە قاتىستى تەرگەۋ ءجۇرىپ جاتىر.
تۇراقتاندىرۋ قورىنا جاۋاپتى «توبىل» الەۋمەتتىك-كاسىپكەرلىك كورپوراتسياسى كەلىسىمشارت ارقىلى بارلىق ءىرى ەلدى مەكەندەردەگى 120 ساۋدا ورنىن الەۋمەتتىك ماڭىزى بار ازىق-ت ۇلىكتىڭ 15 تۇرىمەن قامتاماسىز ەتىپ كەلەدى. الايدا بۇلاردىڭ ىشىندە ەلدەگى جاعدايدى جەلەۋ ەتىپ, باعانى نەگىزسىز قىمباتتاتىپ جىبەرگەن دۇكەندەر انىقتالىپ وتىر. ماسەلەن, توبىل قالاسىنداعى «ەمما» دۇكەنى تۇراقتاندىرۋ قورىنان ارزانعا العان جۇمىرتقانى 26 تەڭگەدەن ساتقان.
– ءبىز ولارمەن ءارى كەتكەندە 10 پايىز ۇستەمە قوسۋ تۋرالى مەموراندۋمعا قول قويدىق قوي. قازىر ۋاقىت باسقا, مۇندايلارعا نەعۇرلىم قاتاڭ شارا قولدانباسا بولمايدى. كەشە وبلىس ورتالىعىنداعى نەگىزگى ساۋدا ورتالىقتارىنا بارىپ كوردىم. كەزەك بار, بىراق قويماداعى ازىق-ت ۇلىك قورى دا جەتكىلىكتى. بۇگىن ورىنباسارلارىم مەن قوستاناي قالاسىنىڭ اكىمى بىرقاتار كوتەرمە ساۋدا ورنىن ارالايدى, - دەگەن ارحيمەد مۇحامبەتوۆ, - باستىسى, ەلدى ەڭ قاجەتتى ازىق-ت ۇلىكپەن جەتكىلىكتى تۇردە قامتاماسىز ەتىپ, باعانىڭ تۇراقتىلىعىن ساقتاۋ قاجەت ەكەندىگىن قاداپ ايتتى. ايماق باسشىسى جيىن سوڭىندا باعانى تۇراقتاندىرۋ شارالارىنا سالعىرت قاراعان سالا باسشىلارىن سىناپ, قاتاڭ ەسكەرتۋ جاسادى.
وبلىستا باعانى تۇراقتاندىرۋ شارالارى ءالى دە كۇشەيتىلىپ, ساۋدا ورىندارى ءجىتى باقىلاۋعا الىناتىن بولادى. جىل باسىنان بەرى بۇل ماقساتتا 66 جارمەڭكە ۇيىمداستىرىلىپ, جەرگىلىكتى كاسىپورىندار وندىرگەن 451 توننا ازىق-ت ۇلىك نارىق باعاسىنان 15-20 پايىزعا ارزان ساۋدالانعان.
قوستاناي