دابىرى الىستان ەستىلگەن ىندەتتىڭ تارالا كەلە الماتىدان تابىلۋى سوڭعى كۇندەرى مەگاپوليستە ءبىراز قادامداردىڭ, بۇرىن-سوڭدى بولماعان شەشىمدەردىڭ قابىلدانۋىنا تۇرتكى بولدى.
ەڭ باستىسى, الماتى ءبىرىنشى كەزەكتەگى قاجەتتى ازىق-تۇلىك تاۋارلارىمەن, سونداي-اق بەتپەردە جانە زالالسىزداندىرۋ قۇرالدارىمەن تولىق قامتاماسىز ەتىلگەنى تۋرالى قالالىق اكىمدىكتە وتكەن ءباسپاسوز ءماسليحاتىندا قالا اكىمىنىڭ ورىنباسارى ساپاربەك تۇياقباەۆ مالىمدەدى. ويتكەنى كارانتين كەزىندە اس-سۋسىز قالامىز دەپ ۇرەيلەنگەن تۇرعىنداردىڭ كوپشىلىگى ۇيىنە تاماق تاسۋعا كوشكەنىن كورىپ وتىرمىز. وسى دۇرمەككە ىلەسىپ, دۇكەندەردە ۇزىن-سونار كەزەكتەردىڭ پايدا بولۋىنا ۇلەسىن قوسىپ جاتقاندار دا جەتكىلىكتى. سوندىقتان دا حالىققا الدىمەن سابىر كەرەك. الايدا ساقتىق شارالارى سۇرالعانىنا قاراماستان, بەتپەردەسىز قالادا جوسىپ جۇرگەن حالىق...
سونىمەن س.تۇياقباەۆتىڭ ايتۋىنشا, تۇراقتاندىرۋ قورىنا شامامەن 18 مىڭ توننا الەۋمەتتىك ماڭىزى بار نەگىزگى ازىق-ت ۇلىك تاۋارلارى ساتىپ الىنعان. بۇل – قانت, كۇنباعىس مايى, قاراقۇمىق, كوكونىس, تاۋىق ەتى. بارلىق ونىمدەر Magnum جانە Small ساۋدا جەلىلەرى ارقىلى ساتىلادى. الداعى ۋاقىتتا تۇراقتاندىرۋ قورىنا قوسىمشا قاراجات بولىنەدى.
«بىزدە الەۋمەتتىك ماڭىزى بار ازىق-ت ۇلىك تاۋارلارىنىڭ بارلىق 19 ءتۇرىن جەتكىزىپ بەرۋشىلەر بار. ءبىز باعاسى جانە جەتكىزۋ كولەمى تۋرالى انىقتاپ الدىق. سوندىقتان دۇربەلەڭ بولماۋى كەرەك. سوڭعى ەكى-ءۇش كۇندە ساۋدا جەلىلەرىندە ۋاقىتشا وسىنداي جاعدايلار ورىن الدى. بىراق ءبىز تاۋارلاردى ۋاقىتىندا جەتكىزدىك. قالاداعى قويمالاردا بارلىق قاجەتتى زاتتار بار», دەدى س.تۇياقباەۆ.
قالا اكىمىنىڭ ورىنباسارى ازىق-ت ۇلىك قاۋىپسىزدىگى بويىنشا ارنايى شتاب قۇرىلعانىن, ءار اۋدان اكىمدىگىنىڭ دەڭگەيىندە جاۋاپتى قىزمەتكەرلەر انىقتالعانىن مالىمدەدى. سونداي-اق باعانىڭ نەگىزسىز كوتەرىلۋى انىقتالعان جاعدايدا ءتيىستى شارالار قابىلداناتىنىن العا تارتا كەلە: «بارلىق ماسەلە باقىلاۋدا. بۇگىنگى تاڭدا بىزدە باعانىڭ كوتەرىلۋى بويىنشا قاۋىپ جوق. تاۋارلاردىڭ نەگىزگى بولىگى – وتاندىق ءونىم», دەدى.
ءدارىحانالاردى بەتپەردەلەر جانە زالالسىزداندىرۋ قۇرالدارىمەن قامتاماسىز ەتۋدە قالا اكىمدىگى وتاندىق زالالسىزداندىرۋ قۇرالدارىن, سانيتايزەرلەردى وندىرۋمەن اينالىساتىن «Avrora Holding» جانە بەتپەردەلەردى جەتكىزەتىن «Dolce Pharm» كومپانياسىمەن كەلىسىمگە قول قويعان.
اكىم ورىنباسارىنىڭ ايتۋىنشا, قالا بيلىگى 20-عا جۋىق ءىرى دارىحانالىق جەلىلەرىنىڭ وكىلدەرىمەن كەزدەسۋلەر وتكىزىپ, ءبىرىنشى كەزەكتەگى قاجەتتى ءدارى-دارمەكتەردىڭ باعاسىن باقىلاۋ جانە ونىڭ جەتكىلىكتى كولەمىن قامتاماسىز ەتۋ بويىنشا ۋاعدالاستىققا قول جەتكىزدى.
قالا اكىمدىگىندە بەلگىلى بولعانداي, قوعامدىق كولىك قۇرالدارىن وڭدەۋ كۇندەلىكتى ءارى مىندەتتى شاراعا جاتقىزىلادى. بۇل شارا مەملەكەتتىك جانە جەكە اۆتوكولىكتەرگە قاتىستى. اۆتوكولىك پاركتەرىنىڭ سانيتارلىق جاعدايىن تەكسەرۋ جۇرگىزىلەدى. تالاپتار ورىندالماعان جاعدايدا ولار جازاعا تارتىلماق.
سول سياقتى الماتىداعى ازىق-ت ۇلىك «دۇربەلەڭىنەن» كەيىن قالا بيلىگى وتكىزگەن ءباسپاسوز جيىنىندا كاسىپكەرلىك جانە ينۆەستيتسيالار باسقارماسىنىڭ باسشىسى ەركەبۇلان ورازالين «ازىق-ت ۇلىك قورى جەتكىلىكتى, دۇربەلەڭگە نەگىز جوق» دەپ مالىمدەدى.
قالا بيلىگىنىڭ دەرەگىنشە, الماتىلىقتار اي سايىن 860 مىڭ توننا الەۋمەتتىك تاۋار تۇتىنادى. ونىڭ 240 مىڭ تونناسى الماتىدا وندىرىلەدى. 520 مىڭ تونناعا جۋىق ازىقتىڭ 90 پايىزى باسقا وڭىرلەردەن كەلىپ جاتىر. ەڭ باستىسى, قانداي جاعدايدا دا قالا بيلىگى ارەكەتسىز وتىرعان جوق. حالىق سابىرلى بولىپ, اقىلمەن ارەكەت ەتسە, قۇزىرلى مەكەمەلەر وزدەرىنە ارتىلعان مىندەتتى ورىنداپ, ماسەلەلەردى رەتتەۋگە ۇمتىلىپ وتىر.
الماتى