بۇل تۋرالى ءبىلىم جانە عىلىم ءمينيسترى اسحات ايماعامبەتوۆ ورتالىق كوممۋنيكاتسيالار قىزمەتىنىڭ الاڭىندا ايتتى.
«كەلەسى ماسەلە - كوللەدجدەر مەن جوعارى وقۋ ورىندارىنىڭ ستۋدەنتتەرىنىڭ ماسەلەسى. جالپى, بارلىق كوللەدج بەن جوعارى وقۋ ورىندارى 16 ناۋرىزدان باستاپ قاشىقتان وقىتۋ تەحنولوگيالارى نەگىزىندە ءبىلىم الۋعا كوشتى. وقۋ پروتسەسى بەكىتىلگەن وقۋ جۇكتەمەسىنە, جوسپارىنا, باعدارلاماسىنا ساي جۇرگىزىلەتىن بولادى. ارينە, بىزدە بۇگىن 790 كوللەدج بار, ءبارى 100 پايىز ءبىز بەرگەن باعدارلامالار ەلەنىپ وتىر دەپ ايتا المايمىز, بىراق باسىم كوپشىلىگىندە بۇل باعدارلاما بار. بۇل باعدارلامالارمەن جۇمىس ىستەپ جاتىر, ءبىز ءتيىستى مونيتورينگتى جۇرگىزىپ جاتىرمىز. مۇعالىمدەر دە كونتەنتىن ەنگىزىپ, بۇل باعدارلامامەن وسى جاڭا جۇيەگە بەيىمدەلىپ جاتىر دەپ ايتا الامىز.
ال ەندى جوعارى وقۋ ورىندارىنا كەلەتىن بولساق, جوعارى وقۋ ورىندارى ءۇشىن بۇل قاشىقتان وقىتۋ تەحنولوگياسى وتە تانىس جانە دە كۇندە پايدالانىپ جۇرگەن قۇرالدىڭ ءبىرى بولعاندىقتان جالپى قيىندىق تۋعىزىپ جاتقان جوق. ۋنيۆەرسيتەتتەردىڭ كوبى 16-نا دەيىن قاشىقتان وقىتۋ جۇيەسىنە كوشىپ كەتتى. قالعان جوعارى وقۋ ورىندارى بۇگىننەن باستاپ قاشىقتان وقىتۋ جۇيەسىنە كوشتى» دەدى ول.