الماتىداعى مەملەكەتتىك سپورت ۇيىمدارىندا وقىتۋ-جاتتىعۋ پروتسەسى توقتاتىلدى. بۇل تۋرالى قالالىق سپورت باسقارماسى حابارلادى.
الماتىدا بارلىعى 14 كوممۋنالدىق سپورت نىسانى بار. ونىڭ ىشىندە 9-ى بالالار مەن جاسوسپىرىمدەرگە ارنالعان سپورت مەكتەبى جۇمىس ىستەيدى. سپورتپەن شۇعىلداناتىندار 12 مىڭنان استام ادامدى قۇرايدى. قر پرەزيدەنتى قاسىم-جومارت توقاەۆتىڭ تاپسىرماسى بويىنشا 13 ناۋرىزدان باستاپ الماتى قالاسىنىڭ بارلىق مەملەكەتتىك سپورتتىق مەكتەپتەرىندە وقۋ-جاتتىعۋ پروتسەسى توقتاتىلدى.
جەرگىلىكتى جانە رەسپۋبليكالىق بيۋدجەت قاراجاتىنان قارجىلاندىرىلاتىن سپورت كاسىپورىندارىنداعى وقۋ-جاتتىعۋلارى, فيزيكالىق-ساۋىقتىرۋ قىزمەتتەرىن ۇسىنۋ جانە سپورت سالاسىنداعى الەۋمەتتىك جوبالاردى ىسكە اسىرۋعا دا شەكتەۋ قويىلدى.
جەكە سپورت ۇيىمدارىنا سپورت سالاسىندا كورسەتىلەتىن قىزمەتتەردى ۋاقىتشا توقتاتۋ جونىندە ۇسىنىمدار بەرىلدى. اتاپ وتەتىن ءجايت, بىرقاتار ۇيىم, سونىڭ ىشىندە, قالا تۇرعىندارى دا بۇل ۇسىنىستارعا تۇسىنىستىك ءبىلدىردى.
سونىمەن قاتار, بارلىق سپورت تۇرلەرى بويىنشا قالالىق قۇراما كوماندالارىنىڭ مۇشەلەرى قازاقستان رەسپۋبليكاسىنان تىس جەرلەرگە شىعۋىنا شەكتەۋ قويىلدى. سونداي-اق, مەگاپوليس اۋماعىندا حالىقارالىق سپورتتىق شارالار دا توقتاتىلدى.
ەسكە سالساق, دۇنيەجۇزىلىك دەنساۋلىق ساقتاۋ ۇيىمى (ددسۇ) كوروناۆيرۋس پاندەمياسىن جاريالادى.
الماتى