كوروناۆيرۋس جۇقپاسىنىڭ تارالۋىنا جول بەرمەۋ ماقساتىندا تۇركىستان وبلىسىنىڭ اكىمدىگى وڭىردە زالالسىزداندىرۋ شارالارى كۇشەيتىلىپ, باقىلاۋ ارتقانىن مالىمدەدى.
«قازاقساتان رەسپۋبليكاسى باس مەملەكەتتىك سانيتارلىق دارىگەرىنىڭ قاۋلىسىندا كوزدەلگەن مىندەتتەر وڭىردەگى قالا مەن اۋدانداردا تياناقتى جۇزەگە اسىرىلۋدا. وبلىس ورتالىعى تۇركىستان قالاسىندا حالىق كوپ جينالاتىن ورىنداردا ءتۇسىندىرۋ جۇمىستارى جۇرگىزىلۋدە. بۇگىن تۇركىستان قالالىق باسقارما باسشىلارى مەن ماماندارى «قۋانىش» جشس بازارى جانە «جولاۋشىلار تاسمالى» جشس-دە كوروناۆيرۋستىق ينفەكتسيانىڭ نەگىزگى بەلگىلەرى مەن ودان ساقتانۋ جولدارىن ناسيحاتتاۋعا ارنالعان جيىن وتكىزدى. سونىمەن قاتار, قالاداعى قوعامدىق كولىكتەردىڭ ءار جولساپاردان كەيىن جۋىلۋى مەن دەزينفەكتسيالانۋى قاداعالاۋعا الىندى. قوعامدىق ورىنداردا تازالاۋ, زالالسىزداندىرۋ شارالارى دا جۇيەلى جۇزەگە اسىرىلادى» دەلىنگەن اكىمدىك تاراتقان اقپاراتتا.