قوستاناي وبلىسىندا «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىنىڭ اياسىندا وتكەن جىلى 22 جارىم مىڭ ادام جۇمىسپەن قامتىلعان.
ونىڭ 75%-ءى, ياعني 16 مىڭ 900 ادام تۇراقتى جۇمىسقا ورنالاسقان. بۇگىن وبلىستىق ءماسليحات دەپۋتاتتارىنىڭ كەزەكتى سەسسياسىندا باعدارلامانىڭ وڭىردە جۇزەگە اسىرىلۋ بارىسى تۋرالى ءسوز بولدى. جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى ايدا قۇسايىنوۆانىڭ ايتۋىنشا, بىلتىر باعدارلامانىڭ ءبىرىنشى باعىتى بويىنشا وبلىستاعى 33 ءبىلىم مەكەمەسى 2 682 ادامدى 35 ماماندىق ءتۇرى بويىنشا قايتا دايارلاۋ كۋرستارىندا وقىتىپ شىققان.
بۇل ازاماتتاردىڭ جارتىسىنان كوبى جۇمىسقا ورنالاستى. باعدارلامانىڭ ەكىنشى باعىتى بويىنشا جاڭا بيزنەس-يدەيالاردى جۇزەگە اسىرۋ ماقساتىندا ءوڭىر تۇرعىندارىنا جالپى كولەمى 364,5 ملن تەڭگە بولاتىن 769 گرانت بەرىلدى. 480 ازامات گرانت قارجىسىن ەڭبەك قۇرالدارىن الۋعا جۇماساسا, 205 ادام تەحنولوگيالىق قۇرىلعىلار الۋعا, 84 گرانت يەسى مال مەن قۇس ساتىپ الۋعا جۇمسادى, - دەدى باسقارما باسشىسى.
«ەڭبەك» باعدارلاماسى اياسىندا بيىلدان باستاپ كوپ بالالى انالار مەن تۇرمىسى تومەن وتباسىلاردى شاعىن كاسىپكەرلىككە كوپتەپ تارتۋ كوزدەلىپ وتىر. بۇل ماقساتتا 7 جىل مەرزىمگە جىلدىق سىياقىسى 4% بولاتىن 21 ملن تەڭگەگە دەيىن جەڭىلدەتىلگەن نەسيە بەرۋ قاراستىرىلعان.
قوستاناي