قازاقستان رەسپۋبليكاسىندا كوروناۆيرۋس ينفەكتسيانىڭ پايدا بولۋى مەن تارالۋىنا جول بەرمەۋ ماقساتىندا, قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆتىڭ باسشىلىعىمەن ۆەدومستۆوارالىق كوميسسياسىنىڭ شەشىمىمەن كەلەسى ەلدەرگە ورىندالاتىن تۇراقتى اۋە رەيستەرىنىڭ سانى قىسقارتىلدى: گەرمانيا, ۇلىبريتانيا, نيدەرلاندى, ۆەنگريا, چەحيا, پولشا, تۇركيا, ۋكراينا, بەلارۋس, بىرىككەن اراب امىرلىكتەرى جانە گرۋزيا. بۇل تۋرالى يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلادى.
«قازاقستان رەسپۋبليكاسىندا كوروناۆيرۋس ينفەكتسيانىڭ پايدا بولۋى مەن تارالۋىنا جول بەرمەۋ جونىندەگى شارالار اياسىندا 2020 جىلعى 12 ناۋرىزدا شەتەلدىك اۋە كومپانيالار وكىلدەرىنىڭ قاتىسۋىمەن كەڭەس وتكىزىلدى.
اۋە رەيستەر سانىنىڭ قىسقارۋىنا بايلانىستى شەتەلدىك اۋە كومپانيالارعا بيلەتتەردى تولىق كولەمدە قايتارۋ نەمەسە ايىپپۇلسىز قايتا برونداۋدى راسىمدەۋ ۇسىنىلدى.
اۋە رەيستەرىنىڭ قىسقارۋىنا بايلانىستى, اعىمداعى جىلعى 16 ناۋرىزدان باستاپ توقتاتىلعان رەيستەرگە بيلەتتەرى بار جولاۋشىلار بيلەتتەردى ساتىپ الۋ ورنى بويىنشا قايتارا الادى. جولاۋشىلار بارلىق سۇراقتار بويىنشا اۋە كومپانيالارعا كەلەسى نومىرلەر ارقىلى حابارلاسا الادى:
«Turkish Airlines»: 7 727 3123250, 51, تاۋلىك بويى;«بەلاۆيا»: 7 7172 320241, ساعات 09-00-دەن 19-00-گە دەيىن;«Fly Dubai»: 7 800 070 2833, (ۇيالى تەلەفوننان قوڭىراۋ شالۋ تەگىن), تاۋلىك بويى;«Etihad Airways»: 7 800 5556248, تاۋلىك بويى;«Pegasus Airlines»: 705 5558444, تاۋلىك بويى;«Uzbekistan Airways»: 7 7172 910459, 60, ساعات 09-00-دەن 19-00-گە دەيىن;«ەير استانا»: 7 7172 584477, 7 727 2444477, 7 702 7024477, تاۋلىك بويى;«SCAT»: 7 7252 998880, تاۋلىك بويى», دەلىنگەن حابارلامادا.