«ارلاننىڭ» ارىنى قاتتى

تارتىستى وتكەن جارىستا جەرگىلىكتى «ارلان» كومانداسىنىڭ اسىعى الشىسىنان ءتۇسىپ, قارسىلاستارىن 2:0 ەسەبىمەن ۇتىپ, ەل چەمپيوناتىنىڭ جارتىلاي فينالىنا جولداما الدى.

ويىن العاشقى مينۋتتاردان-اق قىزۋ باستالدى. ءبىرىنشى اينالىمدا ەسەپ اشىلعان جوق. ال, ەكىنشى اينالىمدا جەرلەستەرىمىز تولىق قۇرامدا شىعىپ, قارسىلاس قاقپاسىن بىردەن شابۋىلدىڭ استىنا الدى. ناتيجە كوپ كۇتتىرگەن جوق. ويىننىڭ 17-ءشى مينۋتىندا جەرلەس شابۋىلشى ميحايل راحمانوۆ قارسىلاس قاقپاسىنان ساڭىلاۋ تابا ءبىلدى.

– ءبىز «ارلان» كومانداسىنا قولداۋ كورسەتۋگە كەلدىك. ءار ويىنىنا جانكۇيەر بولىپ كەلەمىز. كومانداداعى ءار ويىنشىعا سەنەمىز. «ارلان» كومانداسى ءبىزدىڭ قازاقستانداعى ءنومىرى ءبىرىنشى قۇراما, – دەيدى جانكۇيەر التىنبەك ماكىشەۆ.

ءۇشىنشى اينالىمدا قارسىلاس كوماندا جەڭىسكە ۇمتىلعانىمەن, «ارلاندىقتار» ويىن تىزگىنىن ۋىسىنان شىعارمادى. ميحايل راحمانوۆ ويىننىڭ العاشقى 4-ءشى مينۋتىندا تاعى ءبىر گول سوعىپ, ەسەپتى ەسەلەي تۇسەدى.

كوكشەتاۋلىق حوككەيشىلەر كەزەكتى جەڭىسىنە قول جەتكىزىپ, تۋرنير كەستەسىندە كوش باستاپ تۇر. ەندى ولار قازاقستان چەمپيوناتىننىڭ جارتىلاي فينالىنا دايىندىق جۇمىستارىنا كىرىسەدى.