الماتى قالاسى وڭىرلىك كوممۋنيكاتسيالار قىزمەتىنىڭ الاڭىندا از قامتىلعان, كوپبالالى وتباسىلارعا الەۋمەتتىك قولداۋ شارالارىن كورسەتۋ جانە «باقىتتى وتباسى» ورتالىعى قىزمەتىنىڭ جاڭا باعىتتارى تۋرالى ءباسپاسوز كونفەرەنتسياسى ءوتتى.
ءباسپاسوز كونفەرەنتسياسىنا قالالىق «باقىتتى وتباسى» ورتالىعىنىڭ باسشىسى زۋلفيا بايساقوۆا, ناۋرىزباي اۋداندىق ورتالىعىنىڭ باسشىسى جانداي سانا جانە تۇركسىب اۋداندىق ورتالىعىنىڭ باسشىسى ءبيبىرابا ايىمبەتوۆا قاتىستى.
«بيىلعى جىلى اۋدان ورتالىقتارى جاڭا جۇمىس فورماتىن باستايدى. نەگىزگى ماقساتى – ومىرلىك قيىن جاعدايلاردا جۇرگەن وتباسىلاردى انىقتاۋ, ومىرلىك قيىن جاعدايلاردا جۇرگەن وتباسىلاردى انىقتاۋ, ايەلدەر كاسىپكەرلىگىن, بالالارعا ارنالعان ءتۇرلى كۋرستاردىڭ جۇمىسىن ىلگەرىلەتۋ, جۇمىسقا ورنالاسۋعا ىقپال ەتۋ, ۆولونتەرلەر ليگاسىمەن ىنتىماقتاستىق. «باقىتتى وتباسى» — بۇل كوپ بالالى انالار مەن از قامتىلعان وتباسىلارعا عانا ارنالعان ورتالىق ەمەس. ءبىز ماقساتتى توپتى كەڭەيتكىمىز كەلەدى, سوندىقتان ءبىز Nur Otan جاستار قاناتىنىڭ ۆولونتەرلەرىن جۇمىلدىرىپ, ولارمەن بىرگە وتباسىلاردى انىقتاۋ بويىنشا كەڭ كولەمدى اكتسيالار وتكىزۋدى جوسپارلاپ وتىرمىز», — دەدى قالالىق «باقىتتى وتباسى» ورتالىعىنىڭ جەتەكشىسى زۋلفيا بايساقوۆا.
سونىمەن قاتار, ناۋرىزباي اۋداندىق ورتالىعىنىڭ باسشىسى جانداي سانا ەرىكتىلەردى تارتۋدىڭ ماڭىزدىلىعىن اتاپ ءوتتى. ەسكە سالساق, 2020 جىل قازاقستاندا ەرىكتىلەر جىلى بولىپ جاريالاندى.
ءبىزدىڭ جۇمىسىمىزدا ۆولونتەرلەردىڭ كومەگى وتە ماڭىزدى. ناۋرىزباي اۋدانىندا «ۆولونتەرلار ليگاسىمەن» كەلىسىم بار, سوندىقتان ولار ءبىزدىڭ جوباعا ءوز ۇلەستەرىن قوسادى.
«جوعارى وقۋ ورىندارىنىڭ ستۋدەنتتەرى مەن «نازارباەۆ زياتكەرلىك مەكتەبىنىڭ» تۇلەكتەرى ءبىزدىڭ جۇمىسىمىزعا تارتىلىپ, بالالاردى وقىتۋعا كومەكتەسەدى», — دەدى جانداي سانا.
الماتى