جاقىندا بولگاريانىڭ سوفيا قالاسىندا وتكەن الەم چەمپيوناتىندا سەمەيلىك تاەكۆوندوشى نۇربول شالكەنوۆ 71 كيلوعا دەيىنگى سالماق دارەجەسىندە كۇمىس مەدالدى ەنشىلەدى. اتالمىش الەمدىك دوداعا 80-نەن استام ەلدىڭ سپورتشىلارى قاتىستى.
جاقىندا بولگاريانىڭ سوفيا قالاسىندا وتكەن الەم چەمپيوناتىندا سەمەيلىك تاەكۆوندوشى نۇربول شالكەنوۆ 71 كيلوعا دەيىنگى سالماق دارەجەسىندە كۇمىس مەدالدى ەنشىلەدى. اتالمىش الەمدىك دوداعا 80-نەن استام ەلدىڭ سپورتشىلارى قاتىستى.
– چەمپيوناتقا ءار ەلدىڭ ەڭ مىقتىلارى جينالدى, – دەدى نۇربول شالكەنوۆ. – قازاقستاننان 13 ادام باردىق. مەنىڭ ويىمشا, ءبىزدىڭ بارلىق سپورتشىلار جاقسى ونەر كورسەتتى. ءبىز ەڭ جاقسى كورسەتكىشكە جەتتىك. قورجىنىمىز 2 التىن, 1 كۇمىس مەدالمەن تولىقتى. جالپى كوماندالىق ەسەپتە قازاقستان بەسىنشى ورىنعا شىقتى.
– سپاررينگ, تەحنيكا, كۇشپەن قارسىلىق كورسەتۋ سياقتى باعدارلامالار بار, – دەيدى قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى ماحاببات سوۆەتحان. ابزال جۇماعاليەۆ جەكە سپاررينگتە ونەر كورسەتسە, جۇلدىز بارلىعىنا قاتىستى. كوماندالىق ەسەپتە ەڭ ۇزدىكتەر تاڭدالىنىپ شىعاتىندىقتان, نۇربول سوعان كىردى. ەندى ءبىزدىڭ سپورتشىلار قاراعاندى قالاسىندا وتەتىن ەل كۋبوگىنا دايىندالىپ جاتىر.
راۋشان نۇعمانبەكوۆا.
سەمەي.