تامىزدىڭ 16-سى كۇنى اقمولا وبلىسىندا ورىن العان جول-كولىك وقيعاسى سالدارىنان ءبىر وتباسىنىڭ ءۇش بىردەي ادامى قازا تاپتى. بۇل تۋرالى اقمولا وبلىستىق پروكۋراتۋراسىنىڭ ءباسپاسوز قىزمەتى حابارلادى.
وقيعا اتباسار-كوكشەتاۋ تراسساسى بويىندا ساعات 12:00 شاماسىندا بولعان. وندا «Lexus-460» جانە «ۆاز-21063» كولىكتەرىنىڭ سوقتىعىسقان. ناتيجەسىندە «جيگۋليدىڭ» جۇرگىزۋشىسى مەن ونىڭ جانىنداعى ەكى جولاۋشى ءتىل تارتپاي كەتكەن.
«جول-كولىك وقيعاسى اتباسار-كوكشەتاۋ اۆتوجولىنىڭ ساندىقتاۋ اۋدانىنداعى ساندىقتاۋ سەلوسىنا جاقىن جەردە تىزگىنىن بالقاشينو سەلوسىنىڭ تۇرعىنى ا.دوكاەۆ ۇستاعان «Lexus-460» ماركالى اۆتوكولىگىنىڭ قاتىسۋىمەن جاسالدى. كوكشەتاۋ باعىتىنداعى جولمەن كەلە جاتقان ول رۋلىندە اتباسار قالاسىنىڭ 1937 جىلى تۋعان تۇرعىنى د.كاراششۋك وتىرعان «ۆاز-21063» كولىگىنە سوقتىعىسۋعا جول بەردى», - دەلىنگەن حابارلامادا.
جول-كولىك وقيعاسىنىڭ سالدارىنان «ۆاز-21063» كولىگىنىڭ جۇرگىزۋشىسى د.كاراششۋك, ونىڭ جولاۋشىلارى – 1942 جىلى تۋعان ايەلى ن.كاراششۋك, 1962 جىلى تۋعان ۇلى س.كاراششۋك وقيعا بولعان جەردە قايتىس بولدى. ««Lexus-460» كولىگىنىڭ جۇرگىزۋشىسى ا.دوكاەۆ دەنە جاراقاتىمەن ساندىقتاۋ اۋداندىق ىشكى ىستەر بولىمىنە جەتكىزىلدى. ونىڭ جاعدايى قالىپتى», - دەگەندى قوسى پروكۋراتۋرادا.
سۇلتان بوزايعىر.