بيىل قوستاناي وبلىسىنداعى الەۋمەتتىك ماڭىزدى جوبالاردى جۇزەگە اسىرۋ ءۇشىن ERGكومپانياسى 3 ملرد 117 ملن تەڭگە بولمەك. ءوزارا ارىپتەستىك تۋرالى مەموراندۋمعا ERG-ءدىڭ باس اتقارۋشى ديرەكتورىنىڭ ءبىرىنشى ورىنباسارى الديار قازتاەۆ پەن قوستاناي وبلىسىنىڭ اكىمى ارحيمەد مۇحامبەتوۆ قول قويدى.
ماڭىزدى مەموراندۋم بيىل رۋدنىي قالاسىندا ەكى بىردەي جىلى ايالدامانىڭ سالىنۋىنا مۇرىندىق بولادى. سونىمەن قاتار, ورتالىق ساياباقتا ەرەسەكتەردەن گورى بالالارعا ەتەنە تانىس «دجۋماندجي» اتتى ارقان اتراكتسيونى ورناتىلماق. ال ارقالىق قالاسىندا جەڭىس داڭقى ەسكەرتكىشى جاڭارتىلىپ, ءبىر مەكتەپ كۇردەلى جوندەۋدەن وتەدى. سونداي-اق وتباسى ساياباعى پايدا بولادى. رۋدنىي مەن ليساكوۆ قالالارىنىڭ ورتالىق كوشەلەرىنە كولىك جىلدامدىعىن انىقتايتىن ەلەكتروندى تابلو ورناتىلادى. وبلىستىق ماڭىزعا يە كولىك جولدارى وڭدالىپ, قاشار كەنتىنە جەدەل جاردەم كولىگى ساتىلىپ الىنادى.
مەموراندۋم ۇكىمەت ماقۇلداعان ايماقتاردى دامىتۋدىڭ ءۇش جىلدىق باعدارلاماسى اياسىندا جاسالىپ وتىر. قاراجاتتىڭ باسىم بولىگى رۋدنىي قالاسى مەن قاشار كەنتىنىڭ جىلۋ جەلىلەرىن كۇردەلى جوندەۋگە جۇمسالادى. ءارى وسى وڭىرلەردىڭ تۇتىنۋشىلارىن ارزان ەلەكتر قۋاتىمەن قامتاماسىز ەتۋگە باعىتتالماق.
– ەلباسى نۇرسۇلتان ءابىش ۇلى نازارباەۆ ايماقتاردى دامىتۋدى قازىرگى تاڭداعى ەڭ نەگىزگى مىندەتتەردىڭ ءبىرى دەپ اتاپ ايتتى. وسى ورايدا مەن اكىمدىكتەرمەن ارادا جاسالعان مەموراندۋمداردىڭ ارقسايسىسى – اتالعان تاپسىرمانى ورىنداۋ مەن تۇراقتى قوعام قالىپتاستىرۋ قامى دەپ باتىل ايتا الامىن. ءبىز ءوزىمىز جۇمساعان ءاربىر تەڭگەنىڭتۇرعىندار يگىلىگىنە اسۋىنا مۇددەلىمىز, - دەدى Eurasian Resources Group ديرەكتورلار كەڭەسىنىڭ توراعاسى الەكساندر ماشكەۆيچ.
قوستاناي