«ۇستازدار ۇيىندە» بەلگىلى قالامگەر, قازاقستاننىڭ ەڭبەك سىڭىرگەن قايراتكەرى, قازاقستان رەسپۋبليكاسىنىڭ پرەزيدەنت سىيلىعىنىڭ لاۋرەاتى, الماتى قالاسى ءماسليحاتىنىڭ دەپۋتاتى, «الماتى اقشامى» گازەتىنىڭ باس رەداكتورى ق.سارسەنبايمەن كەزدەسۋ ۇيىمداستىرىلدى.
«ورلەۋ» بىلىكتىلىكتى ارتتىرۋ ۇلتتىق ورتالىعى» اق فيليالى الماتى قالاسى بويىنشا پق باي ديرەكتورى رايسا سادۆاكاسوۆا, ديرەكتوردىڭ وقۋ-ادىستەمەلىك ءىسى جونىندەگى ورىنباسارى حاليتوۆا يلدانا يلدارحانوۆنا قارسى الدى. ينستيتۋت تابالدىرىعىن اتتاعان «الماتى اقشامى» گازەتىنىڭ باس رەداكتورى پەداگوگيكالىق كادرلاردىڭ بىلىكتىلىگىن ارتتىرۋ سالاسىنداعى جاڭالىقتارمەن تانىسۋدى كۋرس ءوتىپ جاتقان اۋديتوريالاردان باستادى. مازمۇنى جاڭارتىلعان ءبىلىم بەرۋ باعدارلاماسى بويىنشا ترەنەر گۇلبالا كەنىشتايقىزىنىڭ جانە پەداگوگيكا عىلىمدارىنىڭ كانديداتى, كافەدرا مەڭگەرۋشىسى ارزيەۆا اليا توقتامىسقىزىنىڭ ساباقتارىنا قاتىسىپ, كۋرس تىڭداۋشىلارىمەن تىلدەستى. مۇعالىمدەر ءسوز كەزەگىندە باسەكەگە قابىلەتتى تۇلعا قالىپتاستىرۋعا باعىتتالعان جاڭا باعدارلاما, جاڭا ادىستەر تۋرالى ءوز پىكىرلەرىمەن ءبولىسىپ, كۋرستىڭ مازمۇنى مەن ماڭىزىنىڭ جوعارى ەكەندىگىن باياندادى.
حالىق قالاۋلىسى مونتەسسوري كابينەتىن, STEM زەرتحاناسىن, روبوتوتەحنيكا كۋرستارى وتكىزىلەتىن, بەينە جانە اۋديوجازباعا ارنالعان مۋلتيمەديالىق زەرتحانانى توپتاستىراتىن Maker Space Zone وقۋ كەڭىستىگىن ارالاپ, زاماناۋي جابدىقتارمەن, كىتاپحاناداعى اۆتوماتتاندىرىلعان اقپاراتتىق «كابيس» باعدارلاماسى ارقىلى جاسالعان ەلەكتروندىق مالىمەتتەر بازاسىمەن تانىستى.
قازاقستان مۇعالىمدەرىنىڭ ۇزدىكسىز ءبىلىم بەرۋ تاريحىنىڭ ايناسى ىسپەتتى مۇراجايدا بولىپ, ەستەلىك كىتاپشاسىنا پىكىر-تىلەگىن جازدى.
الماتى قالاسىنداعى «ۇستازدار ءۇيى» بيىل 60 جىلدىعىن اتاپ وتۋگە ازىرلىك ۇستىندە. جارتى عاسىردان استام تاريحى بار مەكەمە قابىرعاسىنداعى زاماناۋي تالاپتارعا سايكەس اتقارىلىپ جاتقان جۇمىستار, وڭ وزگەرىس, يگى باستامالارمەن تانىسقان دەپۋتات ينستيتۋت قىزمەتكەرلەرىمەن اشىق ديالوگ اياسىندا ءبىلىم بەرۋ جۇيەسىن دامىتۋعا قاتىستى وزەكتى ماسەلەلەردى تالقىلادى.
الماتى